लन्डन । तमु धीं यूकेको आजीवन सदस्य रात्रिभोजको समीक्षा तथा रजत उत्सवको तयारीबारे बैठक सम्पन्न भएको छ ।
मिचेटस्थित आफ्नै भवनमा बैठक बसेको हो । संस्थाका अध्यक्ष हरि गुरुङको अध्यक्षतामा भएको बैठक महासचिव डा. विशाल गुरुङले सञ्चालन गरेका थिए । स्वास्थ्य र सुरक्षाबारे पनि उनले नै जानकारी गराएका थिए ।
बैठकमा उपाध्यक्ष परशुराम गुरुङले स्वागत मन्तव्य राख्दै सबैलाई स्वागत गरेका दिए । त्यसपछि वरिष्ठ उपाध्यक्ष जुमकाजी गुरुङले आजीवन सदस्य रात्रिभोजको आयव्यय सहितको समीक्षा विवरण पावर प्वाइन्टमा प्रस्तुत गरेका थिए ।
सो अवसरमा विभिन्न ठाउँमा सम्मानित भएका संस्थाका व्यक्तित्वहरूलाई सम्मान गरिएको थियो । ‘रसमूर भोलेन्टियर रिकग्निसन कम्युनिटी च्याम्पियन’ बाट सम्मानित भएका हेम्सायर शाखाका अध्यक्ष उत्तर गुरुङ तथा महासचिव विशाललाई अध्यक्षले फेटा र खादा लगाएर सम्मान गरेका थिए ।
यस्तै, गोर्खा मिडियाको चौथो वार्षिकोत्सवका अवसरमा समाजसेवी सम्मान प्राप्त गरेका संस्थाका अध्यक्षलाई उपाध्यक्षद्वय जुमकाजी र परशुले फेटा र खादा लगाएर सम्मान गरे ।
ल्होछार संयोजक तथा उपाध्यक्ष कमल गुरुङले ल्होछार र रजत उत्सवको तयारीका क्रममा भइरहेका प्रगतिका विषयमा जानकारी गराएका थिए । उनले हालसम्म भएका तयारीबारे अपडेट गराएका थिए । विभिन्न १४ समितिका संयोजकहरूले आ-आफ्नो धारणा राखेका थिए ।
विशेषाङ्कको बारेमा वरिष्ठ उपाध्यक्ष जुमकाजीले प्रस्ट पारेका थिए । कलाकार तृष्णा गुरुङको ब्यान्डले भिसा पाइसकेको पनि जानकारी गराइयो । लामा गुरुङहरूलाई पनि सम्मान गरिएको थियो ।
अन्त्यमा अध्यक्षले उपस्थित सबैलाई धन्यवाद दिँदै र तमु धीं यू केको रजत महोत्सव सफल पार्न आव्हान गर्दै कार्यक्रमलाई समापन गरेका थिए ।
![पाँच नेपाली युवाको लगानीमा बेलायतमा भीपी स्टोर सञ्चालनमा [भिडियोसहित]](https://gurkhamedia.com/uploads/posts/Messenger_creation_4DD3141E-54DA-464A-9F31-4577973ABA16-1731687830.jpeg)
-1731591869.jpg)
![धामीको चरित्र निभाउन सजिलोचाहिँ पक्कै थिएन : माओत्से गुरुङ [अन्तर्वार्ता]](https://gurkhamedia.com/uploads/posts/Messenger_creation_82D7EC6F-80A8-442C-BA30-03CBBA0D96F7-1731684941.jpeg)
