बेलायतमा कन्जरभेटिभ पार्टीमा नयाँ नेतृत्व

कर्मभूमि बेलायत

Home
कर्मभूमि बेलायत
बेलायतमा कन्जरभेटिभ पार्टीमा नयाँ नेतृत्व

बेलायतमा कन्जरभेटिभ पार्टीमा नयाँ नेतृत्व

गोर्खा मिडिया संवाददाता शनिबार, कात्तिक १७, २०८१

लन्डन । बेलायतमा कन्जरभेटिभ पार्टीले नयाँ नेतृत्व पाएको छ । अन्तिम चरणको प्रतिस्पर्धामा केमी ब्याडनोक रोबर्ट जेनेरिकलाई पछि पार्दै शनिबार पार्टी नेतृमा केमी ब्याडनोक निर्वाचित भएकी हुन् । विजेता बन्ने क्रममा केमीले ५३ हजार ८ सय ६ मत प्राप्त गरिन् भने पराजित जेनेरिक ले ४१ हजार ३ सय ८८ मत पाए । पार्टी नेता चुन्न निर्वाचन सन्चालन गरेको कन्जरभेटिभ पार्टीको १९२२ कमिटीका प्रमुख बब ब्ल्याकमेनले नतिजा घोषणा गरेका थिए । ब्याडनोक कन्जरभेटिभ पार्टीको पहिलो अश्वेत नेता बन्न सफल भएकी छन् । गत जुलाई महिनामा सम्पन्न आम निर्वाचनमा व्यहोरेको पराजयपछि पार्टी प्रमुखबाट राजीनामा घोषणा गरेका ऋषि सुनक त्यसयता कामचलाउको भूमिकामा थिए । पार्टी सांसदहरुबीचको मतदानबाट अन्तिम २ मा पुग्न सफल ब्याडनोक र जेनेरिकमध्ये एक चुन्ने अन्तिम मतदान भने पार्टीका सबै संगठित सदस्यहरुले गरेका थिए । बेलायतमा विगत १५ वर्ष सरकार चलाएको कन्जरभेटिभ पार्टी गत निर्वाचनमा बढारिएको थियो ।

प्रकाशित मिति: शनिबार, कात्तिक १७, २०८१ २१:३०

प्रतिक्रिया दिनुहोस्