काभ्रे सोसाईटी यूकेद्वारा संकलित सहयोग बाढीपहिरोबाट मृत्यु भएकाका परिवारलाई हस्तान्तरण

कर्मभूमि बेलायत

Home
कर्मभूमि बेलायत
काभ्रे सोसाईटी यूकेद्वारा संकलित सहयोग बाढीपहिरोबाट मृत्यु भएकाका परिवारलाई हस्तान्तरण

काभ्रे सोसाईटी यूकेद्वारा संकलित सहयोग बाढीपहिरोबाट मृत्यु भएकाका परिवारलाई हस्तान्तरण

गोर्खा मिडिया संवाददाता बिहीबार, कात्तिक १५, २०८१

लन्डन । काभ्रे सोसाईटी यूकेले संकलन गरेको सहयोग रकम बाढीपहिरोबाट मृत्यु भएकाका परिवारलाई हस्तान्तरण गरिएको छ ।

काभ्रेपलाञ्चोक जिल्लामा अविरल वर्षाका कारण आएको बाढीपहिरोमा परी ज्यान गुमाएकाका ७९ जनाका परिवारलाई १२ हजार ७ सय रुपैयाँका दरले वितरण गरिएको हो । सहयोग रकम स्थानीय पालिकाका प्रमुख, उपप्रमुख, राजनीतिक दलका नेता, सञ्चारकर्मीलगायतको उपस्थितिमा दिइएको काभ्रे सोसाईटी यूकेका कोषाध्यक्ष जीवन थापाले बताए । उनका अनुसार गत असोज १० देखि १२ गतेसम्म परेको अविरल वर्षापछिको बाढीपहिरोबाट मृत्यु भएका काभ्रेका १३ पालिकाका ७९ जनाका परिवारलाई राहत रकम दिइएको हो ।

गृहजिल्ला काभ्रेमा बाढीपहिरोले पुर्‍याएको क्षतिप्रति काभ्रे सोसाईटी यूकेका अध्यक्ष नारायण फुँयाल, सल्लाहकार तस्वीर लामाको संयोजनमा यूकेमा बसोबास गर्ने नेपालीहरुबाट आर्थिक संकलन गरिएको हो ।

प्रकाशित मिति: बिहीबार, कात्तिक १५, २०८१ १२:२५

प्रतिक्रिया दिनुहोस्