तमु धीं यूकेका उपाध्यक्ष कमल गुरुङ र परिवारलाई जापानमा भव्य स्वागत

प्रमुख समाचार

Home
प्रमुख समाचार
तमु धीं यूकेका उपाध्यक्ष कमल गुरुङ र परिवारलाई जापानमा भव्य स्वागत

तमु धीं यूकेका उपाध्यक्ष कमल गुरुङ र परिवारलाई जापानमा भव्य स्वागत

गोर्खा मिडिया संवाददाता सोमबार, कात्तिक १२, २०८१

लन्डन । जापान भ्रमणमा रहेका तमु धीं यूकेका उपाध्यक्ष कमल गुरुङ र उनका परिवारलाई जापानमा भव्य स्वागत गरिएको छ ।

तमु धीं जापानले २७ अक्टोबर २०२४ मा सिसा लन्ज एन्ड डाइनिङ बारमा एक कार्यक्रम गरी उपाध्यक्ष कमल परिवारलाई फेटा, खादा, मायाको चिनोलगायतले स्वागत गरेको हो । त्यस क्रममा तमु धीं जापानका संरक्षक रमेश गुरुङ, पूर्वअध्यक्ष श्री गुरुङ, अन्य पूर्वअध्यक्षहरु र संघ संस्थाका अध्यक्ष, प्रतिनिधिहरुले उपाध्यक्ष कमललाई स्वागत गरेका थिए ।

कार्यक्रममा उपाध्यक्ष कमलले तमु धीं यूकेको रजत महोत्सव र ल्होछारलाई भव्य बनाउन अध्यक्ष हरि गुरुङको निमन्त्रणा पत्र तमु धीं जापानकी अध्यक्ष हिमानी गुरुङलाई हस्तान्तरण गरे । तमु धीं यूके २५ वर्ष पुगेको अवसरमा २८ डिसेम्बर २०२४ मा रजत महोत्सव मनाइँदै छ ।

मुख्य अतिथिको आसनग्रहण गर्दै उनले विशेषगरी गुरुङहरु विभिन्न देशमा गएर पेसा, व्यवसायमा आबद्ध हुने क्रममा विश्वमै सबभन्दा पहिला तमु धीं जापान स्थापना गरेको र त्यसको सिको गरेर अरु अरु देशमा पनि तमु धीं शाखा विस्तार गरेको स्मरण गराए । उनले तमु धीं जापानले तमु प्रतिष्ठान छात्रवृत्ति कोष स्थापना गरेर तमु विद्यार्थीहरुलाई प्रदान गरिरहेको सन्दर्भमा त्यसलाई विचार गरेर तमु धीं यूकेले पनि अहिलेसम्म १ सयभन्दा बढी छात्रवृत्ति वितरण गरिरहेकोले यस्तो भिजन ल्याउने तमु धीं जापानलाई धन्यवाद दिए ।

उपाध्यक्ष कमल गुरुङले आगामी दिनमा पनि तमु धीं यूकेले तमु धीं जापानबाट विभिन्न कार्य गर्ने, सिक्ने र सहकार्य गर्ने धारणा राखे ।