बेलायतमा भएको 'क्याम्ब्रियन गस्ती अभ्यास'मा नेपाली सेनालाई स्वर्ण पदक

प्रमुख समाचार

Home
प्रमुख समाचार
बेलायतमा भएको 'क्याम्ब्रियन गस्ती अभ्यास'मा नेपाली सेनालाई स्वर्ण पदक

बेलायतमा भएको 'क्याम्ब्रियन गस्ती अभ्यास'मा नेपाली सेनालाई स्वर्ण पदक

गोर्खा मिडिया संवाददाता मंगलबार, असोज २९, २०८१

लन्डन । संयुक्त अधिराज्य (बेलायत)को वेल्स, ब्रेकनमा भएको 'क्याम्ब्रियन गस्ती अभ्यास'मा नेपाली सेनाको टोलीले स्वर्ण पदक जितेको छ ।

अशोज २३ गतेबाट २५ गतेसम्म सञ्चालन भएको उक्त अभ्यासमा स्वर्ण पदक प्राप्त गरेको नेपाली सेनाले जनाएको छ । अभ्यासमा बेलायतसहित ३७ राष्ट्रका १ सय २१ वटा अन्तर्राष्ट्रिय टोलीहरूको सहभागिता रहेको थियो । सन् १९६० बाट वार्षिक रूपमा सञ्चालन हुँदै आएको अन्तर्राष्ट्रिय स्तरको उक्त प्रतियोगितामा नेपाली सेनाले सन् २०१४ देखि भाग लिँदै आइरहेको छ ।

दुई दिनभित्रमा हतियार तथा करिब ५० पाउण्ड तौल बराबरको उपकरण एवं बन्दोबस्ती सामग्रीसहित ५० किलोमिटर दूरी पार गर्नुपर्ने अभ्यासमा सहभागी टोलीको लडाइँको तयारी, खबर संकलन, घाइते-बिरामीको व्यवस्थापन लगायतका दक्षताहरूको परीक्षण गरिन्छ । यससँगै नेपाली सेनाले उक्त प्रतियोगितामा सन् २०१७ र २०१९ मा समेत स्वर्ण पदक प्राप्त गरेको थियो ।

पुरस्कार वितरण कार्यक्रममा उपरथी दिपक कुमार बानियाँ सम्मानित अतिथिको रुपमा सहभागी थिए ।

प्रकाशित मिति: मंगलबार, असोज २९, २०८१ २१:४४

प्रतिक्रिया दिनुहोस्