पाँचथर समाज सेवा यूकेले २७ अक्टोबरमा बलिहाङ तङ्नाम विशेष कार्यक्रम गर्ने

कर्मभूमि बेलायत

Home
कर्मभूमि बेलायत
पाँचथर समाज सेवा यूकेले २७ अक्टोबरमा बलिहाङ तङ्नाम विशेष कार्यक्रम गर्ने

पाँचथर समाज सेवा यूकेले २७ अक्टोबरमा बलिहाङ तङ्नाम विशेष कार्यक्रम गर्ने

गोर्खा मिडिया संवाददाता मंगलबार, असोज २९, २०८१

लन्डन । बेलायत यही २७ अक्टोबरमा तिहार/ बलिहाङ तङ्नाम विशेष कार्यक्रम हुने भएको छ ।

पाँचथर समाज सेवा यूकेको आयोजनामा मिट एन्ड ग्रीटका साथमा सांगीतिक प्रस्तुतिलगायत कार्यक्रम हुन लागेको हो । पाँचथर समाज सेवा यूकेकी अध्यक्ष शान्ति लिम्बूले नेपालबाट बेलायतमा सांगीतिक यात्रामा आएका पहिचानवादी पाँचथरे लोकप्रिय गायक ब्रबिम शेर्मा, मीठो स्वरकी धनी गायिका अमृता लिम्बू र गंगा फियाकहरुलाई मिट एन्ड ग्रीटका साथमा केही सालदेखि बेलायतमै रहेका नेपाली ताराको उपविजेता तारा लम्सम, नवमोडेल दीपा लिम्बूलगायतले सांगीतिक कोसेली पस्किने बताइन् ।

कार्यक्रम अल्डरसटस्थित सुसी मोटोमा हुनेछ । दिउँसो २ देखि राति ८ बजेसम्म तोकिएको कार्यक्रमको उद्घोषण पारु राईले गर्नेछिन् । उक्त कार्यक्रममा सहभागी हुन अध्यक्ष शान्तिले बेलायतमा छरिएर बसेका सम्पूर्ण नेपालीहरुलाई निमन्त्रणा गरेकी छन् ।

प्रकाशित मिति: मंगलबार, असोज २९, २०८१ १८:५३

प्रतिक्रिया दिनुहोस्