सुनुवाइ समितिबाट बेलायतका लागि प्रस्तावित राजदूत घिमिरेको नाम अनुमोदन

कर्मभूमि बेलायत

Home
कर्मभूमि बेलायत
सुनुवाइ समितिबाट बेलायतका लागि प्रस्तावित राजदूत घिमिरेको नाम अनुमोदन

सुनुवाइ समितिबाट बेलायतका लागि प्रस्तावित राजदूत घिमिरेको नाम अनुमोदन

गोर्खा मिडिया संवाददाता बिहीबार, असोज ३, २०८१

काठमाडौँ । संसदीय सुनुवाइ समितिले बेलायतका लागि नेपाली राजदूतमा प्रस्तावित चन्द्रकुमार घिमिरेको नाम बहुमतले अनुमोदन गरेको छ ।

सिंहदरबारमा १९ सेप्टेम्बर बिहीबार बसेको बैठकले सरकारले सिफारिस गरेका घिमिरेसहित १६ देशका लागि नेपाली राजदूतको नाम अनुमोदन गरेको हो । समिति सभापति ईश्वरी न्यौपानेका अनुसार एक देशका लागि प्रस्तावित राजदूत भने बिहीबार अनुमोदन हुन सकेनन् ।

को को भए अनुमोदन ?

१ चीन : प्राडा कृष्णप्रसाद ओली

२ बेलायत : चन्द्रकुमार घिमिरे

३ जर्मनी : डा शैल रुपाखेती

४ भारत : शंकरप्रसाद शर्मा

५ इजरायल : डा धनप्रसाद पण्डित

६ मलेसिया :डा नेत्रप्रसाद तिमल्सिना

७ पाकिस्तान : रीता धिताल

८ पोर्चुगल : प्रकाशमणि पौडेल

९ कतार : रमेशचन्द्र पौडेल

१० रुस : जंगबहादुर चौहान

११ दक्षिण अफ्रिका : प्राडा कपिलमान श्रेष्ठ

१२ साउदी अरब : नरेशविक्रम ढकाल

१३ दक्षिण कोरिया : डा शिवमाया तुम्बाहेम्फे

१४ स्पेन : सनिल नेपाल

१५ अमेरिका : लोकदर्शन रेग्मी

१६. डेनमार्क :सुम्निमा तुलाधर

समितिको बैठकबाट अनुमोदन भएका राजदूतहरूको अब सम्बन्धित देशबाट एग्रिमो आएपछि राष्ट्रपतिबाट नियुक्त भई शपथ हुनेछ ।

शैक्षिक योग्यताको प्रमाणपत्रको विषयमा प्रश्न उठेपछि श्रीलंकाका लागि प्रस्तावित राजदूतको नाम भने अनुमोदन भएन । श्रीलंकाका लागि प्रस्तावित राजदूत रामकृष्ण भट्टराईको विषयमा अर्को बैठकमा छलफल हुनेछ । उहाँको विषयमा निर्णय गर्नेबारे स्नातक उत्तीर्णको प्रमाणपत्र नभेटिएको बताइएको छ ।

प्रकाशित मिति: बिहीबार, असोज ३, २०८१ १५:३५

प्रतिक्रिया दिनुहोस्