कास्की । गुरुङ फिल्म एशोसिएसन नेपाल (जिफान) को अध्यक्षमा राजबहादुर गुरुङ (राजेश) सर्वसम्मत निर्वाचित भएका छन् ।
तमु धीं नेपालको कार्यालय पोखरामा शनिबार भएको जिफानको १६ औं वार्षिक साधारणसभा तथा आठौं राष्ट्रिय अधिवेशनबाट चलचित्र निर्देशक राजबहादुरको नेतृत्वमा २३ सदस्यीय नयाँ कार्यसमिति चयन भएको हो । कार्यक्रम समितिको प्रथम उपाध्यक्ष अर्जुन गुरुङ, द्वितीय उपाध्यक्ष कुबिना गुरुङ, महासचिव तोलबहादुर गुरुङ (लबशन), सचिव टेकमान गुरुङ , कोषाध्यक्ष इन्द्रमाया गुरुङ चयन भए ।
यस्तै महिला विभाग प्रमुख सपना गुरुङ, प्राविधिक विभाग प्रमुख राजकुमार गुरुङ, भाषा तथा साहित्य विभाग प्रमुख तारा गुरुङ, बजार व्यवस्थापन विभाग प्रमुख खेम गुरुङ, प्रचारप्रसार विभाग प्रमुख रक्षा गुरुङले जिम्मेवारी पाएको निर्वाचन समितिले जनाएको छ ।
सदस्यहरूमा टेकबहादुर गुरुङ, भूपेन्द्र गुरुङ, रामप्रसाद गुरुङ, आशीष गुरुङ, बिराज गुरुङ, धर्मराज घले, नवीन गुरुङ, पिटर गुरुङ, तारजङ गुरुङ टार्जन, केशबहादुर गुरुङ, गंगाबहादुर गुरुङ, अन्जु गुरुङ चयन भए ।
नवनिर्वाचित कार्यसमितिले शनिबार नै तमु धिं नेपालका अध्यक्ष एवं निर्वाचन समिति संयोजक हुमबहादुर गुरुङले पद तथा गोपनियताको शपथग्रहण गराएका छन् । नयाँ कार्यसमितिको कार्यकाल २ वर्षको रहनेछ ।
निर्वाचन समितिमा दुर्गाबहादुर गुरुङ (मिलन), कृष्णकुमार गुरुङ र माओत्सेतुङ गुरुङ थिए ।
साधारणसभामा महासचिव तोलबहादुर गुरुङले प्रस्तुत गरेको सांगठानिक प्रतिवेदन र कोषाध्यक्ष अर्जुन गुरुङले पेस गरेको आर्थिक प्रतिवेदन छलफलपछि पारित गरिएको थियो ।
नवनिर्वाचित अध्यक्ष राजबहादुरले गुरुङ फिल्मकर्मीको साझा संस्था गुरुङ फिल्म एशोसिएसन (नेपाल) नेपाललाई नयाँ उचाईमा लैजाने र सबैको साथ सहयोगबाट अघि बढ्ने प्रतिबद्धता जनाए ।
अधिवेशन गण्डकी प्रदेश सरकारका आर्थिक मामिलामन्त्री डा.टकराज गुरुङले उद्घाटन गरेका थिए ।
![पाँच नेपाली युवाको लगानीमा बेलायतमा भीपी स्टोर सञ्चालनमा [भिडियोसहित]](https://gurkhamedia.com/uploads/posts/Messenger_creation_4DD3141E-54DA-464A-9F31-4577973ABA16-1731687830.jpeg)
-1731591869.jpg)
![धामीको चरित्र निभाउन सजिलोचाहिँ पक्कै थिएन : माओत्से गुरुङ [अन्तर्वार्ता]](https://gurkhamedia.com/uploads/posts/Messenger_creation_82D7EC6F-80A8-442C-BA30-03CBBA0D96F7-1731684941.jpeg)
