लन्डन । बेलायतको सांगीतिक भ्रमण सकेर नेपाल फर्किन लागेकी नायिका तथा मोडल लक्ष्मी गुरुङको भव्य बिदाइ गरिएको छ । ८ सेपेटेम्बरमा अल्डरसटको ठमेल ढिँडोघरमा एक कार्यक्रमबीच गुरुङको बिदाइ गरिएको हो ।
गुरुङका समर्थक, शुभचिन्तक, आफन्तजन र संघसंस्थाका प्रतिनिधिले हल खचाखच भरिएको थियो । टाढा-टाढाबाट उनलाई बिदाइ गर्न शुभचिन्तकहरू उपस्थित भएका थिए । राजकुमार गुरुङले कार्यक्रम सञ्चालन गरेका थिए ।
सुरुमा लक्ष्मीले यूकेमा सहयोग गर्ने आफन्तजनहरू, विषेशगरी राजकुमार गुरुङको परिवार तथा तमु धीं यूके सहारा यूके, तमु प्ये ल्हु संघलगायत संघसंस्थालाई धन्यवाद दिइन् । आफूले यूके बसाइका क्रममा नेपाली समुदायबाट अपार माया र सद्भाव पाएको भन्दै उनी भावुकसमेत बनेकी थिइन् ।
त्यसपछि संघसंस्था र आफन्तजनले खादा, फूलको गुच्छा, मायाको चिनो र नगदसहित बिदाइ गरेका थिए ।
सो क्रममा मोडल तथा डान्सर आरुसी मगर र डान्सर शिवदास गुरुङले आकर्षक नृत्य प्रस्तुत गरेर सबैलाई मनोरञ्जन प्रदान गरे । लक्ष्मीले पनि आफ्नो नृत्य प्रस्तुति दिइन् । गायिका सृजना खत्रीले पनि गीत गाएर उपस्थित दर्शकलाई मन्त्रमुग्ध पारिन् ।
-1725898080.jpg)
तमु धीं युकेका अध्यक्ष हरि गुरुङले पनि लक्ष्मीलाई धन्यवाद दिए । लक्ष्मीले नेपालमा आफूलाई लगाएको गुन तिर्ने अवसर पाएको भन्दै अध्यक्ष गुरुङले खुसी व्यक्त गरेका थिए ।
२६ मे २०२४ मा बेलायत आएकी लक्ष्मी आफ्नो भ्रमण सकेर १६ सेप्टेम्बरमा नेपाल फर्किँदै छिन् ।
-1732095969.jpg)
![पाँच नेपाली युवाको लगानीमा बेलायतमा भीपी स्टोर सञ्चालनमा [भिडियोसहित]](https://gurkhamedia.com/uploads/posts/Messenger_creation_4DD3141E-54DA-464A-9F31-4577973ABA16-1731687830.jpeg)
