लन्डन । सयपत्री नेपाली सांस्कृतिक समूह यूकेले २४ अगस्ट २०२४ मा तिजको विशेष कार्यक्रम भव्य रूपमा सम्पन्न गरेको छ ।
हर्सल भिलेज हल वर्किङमा राष्ट्रिय कलाकारको प्रस्तुतिका साथ भव्य रूपमा कार्यक्रम गरेको हो । महासचिव गौरव क्षेत्रीले औपचारिक कार्यक्रम तथा संस्कृतिक कार्यक्रम सञ्चालन सचिव विवेक बोहराले गरेका थिए ।
राष्ट्रिय कलाकारहरू संगीतकार तथा गायक श्रीकृष्ण बम मल्ल, गायिका मनमाया वाईबा, डान्सर सेखर घर्ती मगर तथा स्थानीय कलाकार लिकन गुरुङ, सेलिना शाही र रितिका खरेलले प्रस्तुति दिएका थिए ।
कार्यक्रममा राफल ड्र पनि भएको थियो । राफल ड्रको प्रथम पुरस्कार प्रायोजन अध्यक्ष दीपक शाही, दोस्रो पुरस्कार महासचिव गौरव क्षेत्री, तृतीय पुरस्कार उपाध्यक्ष डा. दीपक जिसी र चौथो पुरस्कार सदस्य राजाराम त्रिपाठीले गरेका थिए ।
कार्यक्रममा वोकिङ नेपाली समाजका अध्यक्ष रमेश अधिकारी, समाजसेवी पूर्व काउन्सिलर रि. मेजर चित्र रानालगायत नेपाली समुदायको उपस्थिति रहेको थियो ।
कार्यक्रम सफल बनाउन संयोजक तथा संस्थापक अध्यक्ष एलबी गुरुङ, संरक्षक तथा निवर्तमान अध्यक्ष डम्बरलगायत आ-आफनो ज़िम्मेवारीमा खटिने कार्यसामितिका पदाधिकारी र सदस्यले विशेष भूमिका खेलेका थिए ।
कार्यक्रममा मनोज मल्ल, वकीड नेपाली समाजका निवर्तमान अध्यक्ष आसा राई र बुद्ध विकले आर्थिक सहयोग गरेका थिए ।कार्यक्रम सफल बनाउन उपस्थित हुने र सहयोग गर्ने सबैलाई अध्यक्षले धन्यवाद दिँदै आगामी दिनमा पनि सहयोगको अपेक्षासहित समापन गरेका थिए ।
-1732095969.jpg)
![पाँच नेपाली युवाको लगानीमा बेलायतमा भीपी स्टोर सञ्चालनमा [भिडियोसहित]](https://gurkhamedia.com/uploads/posts/Messenger_creation_4DD3141E-54DA-464A-9F31-4577973ABA16-1731687830.jpeg)
-1731591869.jpg)
