बीसीसी यूकेद्वारा खेन्पो सेनाङ ग्याम्जोको स्वागत

कर्मभूमि बेलायत

Home
कर्मभूमि बेलायत
बीसीसी यूकेद्वारा खेन्पो सेनाङ ग्याम्जोको स्वागत

बीसीसी यूकेद्वारा खेन्पो सेनाङ ग्याम्जोको स्वागत

गोर्खा मिडिया संवाददाता शुक्रबार, साउन १८, २०८१

लन्डन । बुद्धिस्ट कम्युनिटी सेन्टर (बीसीसी) यूकेले खेन्पो सेनाङ ग्याम्जाे तामाङको स्वागत गरेको छ ।

बीसीसी यूकेको निमन्त्रणमा गत सोमबार नेपालबाट एक बर्षका लागि लामा गुरुको रूपमा आएका खेन्पो सेनाङ ग्याम्जोलाई बीसीसी यूकेका अध्यक्ष हर्कबहादुर गुरुङ तथा आमा प्रमुख जगना गुरुङले खादा लगाई गुम्बामा स्वागत गरेका थिए ।

सो अवसरमा बीसीसी यूकेका लामा गुरु लोपेन नोर्बु, लोपेन दावा, बीसीसी यूकेका पूर्वअध्यक्ष नरेश गुरुङ, आमा उपप्रमुख शारदा गुरुङलगायत भक्तजन तथा शुभचिन्तकले समेत खादा लगाई उनलाई स्वागत गरेका थिए ।

काठमाडौँको बौद्धस्थित सेचेन गुम्बासँग आबद्ध खेन्पो सेनाङ ग्याम्जोले अबको एक वर्ष गुम्बामा रहेर बौद्ध परम्परा तथा सिद्धान्तबारे जानकारी गराउने, विभिन्न कर्मकाण्ड तथा पूजा गर्नुका साथसाथै बुद्धका विभिन्न ग्रन्थ तथा सुत्र अनुवादसहित पढाउने छन् ।