लन्डन । एनआरएनए यूकेले हालै निर्वाचित विमला सेने नेतृत्वको नेपाल पत्रकार महासंघ यूके कार्यसमितिलाई सम्मान गरेको छ ।
आइतबार अल्डरसटस्थित ठमेल रेस्टुरेन्टमा आयोजित एक कार्यक्रममा एनआरएनए यूके अध्यक्ष प्रेम गाहामगर, प्रमुख संरक्षक डेभिड गुरुङ, प्रमुख सल्लाहकार डा. भीम पुनलगायतले नेपाल पत्रकार महासंघ यूके अध्यक्ष विमला सेने, वरिष्ठ उपाध्यक्ष नरेन्द्र बस्नेत, उपाध्यक्षद्वय प्रमीला लावुङ राई र शिव भण्डारी, कोषाध्यक्ष एसके गुरुङ, सह-कोषाध्यक्ष सुरेन्द्र इंग्नाम, सदस्यहरू वाचस्पति रेग्मी, गोमा राना, बम थापा सूर्यवंशी, मिलन तमु र नरेन्द्र नेम्वाङलाई फेथा, पुष्पगुच्छा र ‘टोकन अफ लभ’ बाट सम्मान गरे ।
पत्रकार महासंघ यूके अध्यक्ष सेनेले विशेष सम्मान गरेकामा एनआरएनए यूकेप्रति धन्यवाद व्यक्त गर्दै नेपाली समुदायको अपेक्षा अनुसार संस्था पत्रकारितामा निरन्तर लागिरहने प्रण गरिन् । उनले नेपाली समुदायको हितका लागि भावी दिनमा एनआरएनए यूकेसँग सहकार्य गर्नेसमेत जनाइन् ।
प्रमुख संरक्षक डेभिड गुरुङले नयाँ कार्यसमितिलाई बधाई दिँदै अझ बढी खोज, अनुसन्धानमा लागेर सत्य तथ्य समाचार प्रस्तुत गर्न शुभकामना दिए । उनले पत्रकार महासंघ यूके र एनआरएनए यूकेमा केही समूहले भ्रम फैलाउने कोसिस गरे पनि त्यसमा विश्वास नगर्न समुदायसमक्ष अपिल गरे ।
एनआरएनए यूके अध्यक्ष प्रेम गाहामगरले विगतमा जे जस्तो भए पनि संघ अब पत्रकार महासंघ, बेलायतको नयाँ कार्यसमितिसँग सहकार्य गरेर अगाडि बढ्ने उल्लेख गर्दै जनचेतनामूलक र सूचनामूलक समाचार सम्प्रेषण गर्न पत्रकारहरूलाई आग्रह गरे ।
एनआरएनए यूके महासचिव प्रमीला लाबुङ राईले सञ्चालन गरेको उक्त सम्मान कार्यक्रममा नेपालबाट आएका लोकगायक राजेन्द्र कार्कीले राष्ट्रिय गान गाएका थिए ।
सो अवसरमा एनआरएनए यूकेले ३ अगस्टमा फेल्थाम लन्डनमा गर्न लागिएको पहिलो एनआरएनए कप फुटबल प्रतियोगिता तथा नेपाल महोत्सव तयारी पूरा भएको जानकारीसमेत दिएको थियो ।
-1732408259.jpg)
-1732095969.jpg)
![पाँच नेपाली युवाको लगानीमा बेलायतमा भीपी स्टोर सञ्चालनमा [भिडियोसहित]](https://gurkhamedia.com/uploads/posts/Messenger_creation_4DD3141E-54DA-464A-9F31-4577973ABA16-1731687830.jpeg)
