गैरनागरिकलाई सेनामा भर्ती हुन अष्ट्रेलियाले अनुमति दिने, बेलायतसहित ४ देशकालाई प्राथमिकता

विश्व

Home
विश्व
गैरनागरिकलाई सेनामा भर्ती हुन अष्ट्रेलियाले अनुमति दिने, बेलायतसहित ४ देशकालाई प्राथमिकता

गैरनागरिकलाई सेनामा भर्ती हुन अष्ट्रेलियाले अनुमति दिने, बेलायतसहित ४ देशकालाई प्राथमिकता

गोर्खा मिडिया संवाददाता मंगलबार, जेठ २२, २०८१

सिड्नी । अस्ट्रेलिया सरकारले देशको कम जनसङ्ख्याका कारण राष्ट्रले सेना भर्तीको लक्ष्यहरू पूरा गर्न सङ्घर्ष गरिरहेको भन्दै मङ्गलबार गैर–नागरिकहरूलाई आफ्नो सशस्त्र सेनामा भर्ती हुन अनुमति दिने जनाएको छ ।

“जुलाईबाट १२ महिनादेखि अष्ट्रेलियामा बसोबास गरिरहेका स्थायी बासिन्दाहरूलाई सेनामा भर्ती हुने अनुमति दिइनेछ र बेलायत, क्यानडा, न्युजिल्यान्ड र संयुक्त राज्य अमेरिकाका नागरिकहरूलाई प्राथमिकतामा राखिनेछ, 'रक्षामन्त्री रिचर्ड मार्लेसले बताए । देशको बढ्दो चुनौतीसँग सामना गर्न क्यानबेराले हालैका वर्षहरूमा पनडुब्बी, जेट र धेरै लडाकु सवारी साधनजस्ता रक्षाको क्षेत्रमा खर्च बढाएको छ ।

दुई करोड ६० लाख जनसङ्ख्या रहेको देशले उक्त सामाग्री सञ्चालन र मर्मत गर्न पर्याप्त जनशक्तीका लागि सङ्घर्ष गरिरहेको छ । अस्ट्रेलियन रक्षाबलमा आजका दिनमा लगभग ९० हजार कर्मचारीहरूमा रहेको अस्ट्रेलियन स्ट्रेटेजिक पोलिसी इन्स्टिच्युटले जनाएको छ ।

रक्षामन्त्री मार्लेसले राष्ट्रका सुरक्षा चुनौतिहरूको सामना गर्न अस्ट्रेलियामा रक्षाबलको विकास आवश्यक रहेको बताए ।

प्रकाशित मिति: मंगलबार, जेठ २२, २०८१ १४:०१

प्रतिक्रिया दिनुहोस्