युकेमा अभियन्ताहरुसँग छलफल गरी फर्किए एनआरएनए आईसीसीका पूर्वअध्यक्ष लामिछाने

कर्मभूमि बेलायत

Home
कर्मभूमि बेलायत
युकेमा अभियन्ताहरुसँग छलफल गरी फर्किए एनआरएनए आईसीसीका पूर्वअध्यक्ष लामिछाने

युकेमा अभियन्ताहरुसँग छलफल गरी फर्किए एनआरएनए आईसीसीका पूर्वअध्यक्ष लामिछाने

गोर्खा मिडिया संवाददाता बिहीबार, जेठ १०, २०८१

तस्बिर : आरके त्रिपाठीको फेसबुकबाट

लन्डन । गैर आवासीय नेपाली संघ अन्तर्राष्ट्रिय समन्वय परिषद् (एनआरएनए आईसीसी) का पूर्वअध्यक्ष एवं सफल व्यवसायी जीवा लामिछाने यहाँका सामाजिक अभियन्ता एवं व्यवसायीहरुसँग छलफल गरी फर्किएका छन् ।

नेपाल बेलायत शान्ति तथा मैत्री सन्धि भएको १०० वर्षगाँठको अवसरमा लन्डनस्थित प्रधानमन्त्री निवास टेन डाउनिङ स्ट्रिटबाट सोमबार आयोजित समारोहका लागि बेलायत आएका लामिछाने बुधबार जर्मनी फर्किएको एनआरएनका अभियन्ता आरके त्रिपाठीले जानकारी दिए ।

बेलायत बसाइको अन्तिम दिन बुधबार पूर्वअध्यक्ष लामिछानेले एनआरएनए आईसीसीका सहकोषाध्यक्ष कृष्ण तिमिल्सिना, आईसीसी सदस्य सरस्वती केसी, एनआरएनए युकेका पूर्वअध्यक्ष तथा गोर्खा प्यालेस रेस्टुरेन्टका प्रोपाइटर सूर्य गुरुङ, एनआरएनए अभियन्ता आरके त्रिपाठीलगायतसँग भेटघाट तथा छलफल गरेका हुन् । उक्त अवसरमा डायस्पोराको विविध विषयमा छलफल भएको लेखक त्रिपाठीले जानकारी दिए ।

नेपाली प्रवासी समुदायमा बौद्धिक र सालिन व्यक्तिका रुपमा चिनिने लामिछाने हाल जर्मनीमा बस्दै आएका छन् ।

प्रकाशित मिति: बिहीबार, जेठ १०, २०८१ १६:४८

प्रतिक्रिया दिनुहोस्