बेलायतमा थाउजन्डस् बुद्धसहित चार संस्थाले २३ मेमा बुद्ध जयन्ती पूजा आयोजना गर्ने

कर्मभूमि बेलायत

Home
कर्मभूमि बेलायत
बेलायतमा थाउजन्डस् बुद्धसहित चार संस्थाले २३ मेमा बुद्ध जयन्ती पूजा आयोजना गर्ने

बेलायतमा थाउजन्डस् बुद्धसहित चार संस्थाले २३ मेमा बुद्ध जयन्ती पूजा आयोजना गर्ने

गोर्खा मिडिया संवाददाता सोमबार, वैशाख ३१, २०८१

लन्डन । बेलायतमा थाउजन्डस् बुद्ध युकेसहित चार संस्थाले २३ मेमा बुद्ध जयन्ती पूजा आयोजना गर्ने भएको छ ।

महागुरू हिज इमिनेन्स खेन साङ्गे राङजुङ रिम्पोछेको उपस्थितिमा पाकिस्तानी हल रेडिङमा पूजा आयोजना हुने थाउजन्डस् बुद्ध युकेका अध्यक्ष मेजर समुन्द्र गुरूङले जानकारी दिए । उनका अनुसार पूजा बिहान १० बजेदेखि सुरु हुने छ ।

आयोजक संस्थाहरुमा तामाङ घेदुङ युके, शेर्पा एसोसिएसन युके (साउथ सेन्ट्रल) र शाक्यलिङ बुद्धिष्ट युके रहेका छन् । पूजा कार्यक्रममा सपरिवार सहभागी हुन आयोजक संस्थाहरुले आग्रह गरेका छन् ।

'यसपाली बुद्ध जयन्तीको दिन एकदमै शुभदिन छ । यस्तो दिन सधैं आउँदैन । यस दिनमा भगवान् शाक्यमुनि बुद्धको जन्मदिन, बुद्ध-ज्ञान प्राप्त र महा-परिनिरभाना हुनुभएको दिन पर्न गएकोले ठूलो शुभको दिन मानिन्छ,' मेजर समुन्द्र गुरुङले सामाजिक सञ्जालमा लेखेका छन्, 'यस्तो शुभ दिनमा यस्तो ठूलो रिम्पोछे गुरूको हातबाट आशीर्वाद र आयुको वाङ थाप्ने मौका तपाईंहरूले अवश्य लिनुहुन्छ भन्ने ठुलो भरोसा छ हामीलाई ।'

अध्यक्ष मेजर गुरुङका अनुसार ठूलो पूजा र त्यसपछि महागुरूबाट 'आयुको वाङ' लिन सबै भक्तजनहरूलाई सपरिवार निम्तो गरिएको छ । आयोजकले पूजा कार्यक्रममा शुद्ध साकाहारी खाना र चिया पानीहरूको पनि बन्दोबस्त गरिएको जनाएको छ ।

प्रकाशित मिति: सोमबार, वैशाख ३१, २०८१ १७:००

प्रतिक्रिया दिनुहोस्