लन्डन । बेलायतका लागि नेपाली राजदूत ज्ञानचन्द्र आचार्य र बुद्ध फाउन्डेसन युकेबीच आगामी जून २ तारिखमा हुने बुद्धजयन्ती तयारीबारे छलफल भएको छ ।
लन्डन वुल्लीचमा आयोजना हुने बुद्धजयन्ती कार्यक्रम तयारीबारे लन्डनस्थित नेपाली दूतावासमा आयोजक बुद्ध फाउन्डेसनका अध्यक्ष दीपक श्रेष्ठसहितका पदाधिकारीहरु र राजदूत आचार्यसहित शुक्रबार छलफल भएको हो । बुद्धजयन्ती कार्यक्रममा विगतमा जस्तै दूतावास र नेपाल पर्यटन बोर्डसँग सहकार्य गरिने पक्का गरिएको कार्यक्रम संयोजक एवम् फाउन्डेसन उपाध्यक्ष प्रसुना कँडेलले जानकारी दिइन् ।
त्यस्तै, बुद्धिष्ट कम्युनिटी सेन्टर युके, डायमण्ड बुद्धिष्ट सेन्टर र बुद्धिष्ट गुम्बा रेडिङ सहयोगी संस्थाका रुपमा छन् । कार्यक्रममा विभिन्न मुलुकका कूटनीतिक अतिथिहरु निम्त्याउने र उक्त जिम्मा दूतावासले लिने सल्लाह भएको संयोजक कँडेलले बताइन् ।
कार्यक्रममा बौद्ध दर्शनसम्बन्धी खोज, अध्ययन गर्ने बेलायतस्थित विभिन्न युनिभर्सिटीका प्राध्यापकसमेतलाई विशेष अतिथिका रुपमा आमन्त्रण गरिँदैछ। बुद्धको जन्मस्थलका रुपमा लुम्बिनीलाई चिनाउँदै बुद्धका शान्ति सन्देश संसारभर फैलाउनुका साथै नेपालको पर्यटन प्रवर्धनमा टेवा पुर्याउनेसम्म कार्यक्रमको लक्ष्य छ ।
दूतावासको छलफलमा राजदूत आचार्यसँगै उपनियोग प्रमुख रोशन खनाल, सेकेन्ड सेक्रेटरी रामबाबु खनाल तथा फाउन्डेसनका तर्फबाट अध्यक्ष दीपक श्रेष्ठ, उपाध्यक्ष एवम् कार्यक्रम संयोजक प्रसुना कँडेल, उपाध्यक्ष अर्जुन कटुवाल, कार्यक्रम सहसंयोजक सुर्जे गुरुङ र नेपाल पर्यटन बोर्ड प्रतिनिधि काउन्सिलर धनबहादुर सार्की सहभागी थिए ।
-1732095969.jpg)
![पाँच नेपाली युवाको लगानीमा बेलायतमा भीपी स्टोर सञ्चालनमा [भिडियोसहित]](https://gurkhamedia.com/uploads/posts/Messenger_creation_4DD3141E-54DA-464A-9F31-4577973ABA16-1731687830.jpeg)
