हङकङ २४ अप्रिल २०२४ । पर्वतमा नि:शुल्क आँखा शिविर सहयोगार्थ हुने 'दोस्रो पर्वत साँझ-२०२४' को जानकारी सभा सम्पन्न भएको छ ।
पर्वत मञ्च हङकङको आयोजनमा हुने पर्वत साँझ कार्यक्रमबारे २१ अप्रिल २०२४ आइतबार किरात याक्थुङ चुम्लुङ हिम (बुढो पार्क)जोर्डनको सभा हलमा जानकारीसभा भएको हो । सभामा नेपालबाट आउने कलाकारहरुमा भ्वाइस अफ नेपालका कोच चर्चित गायिका मिलन नेवार, चर्चित लोक गायक बिमलराज क्षेत्री, गायिका डान्सर पार्बती थापा र गायक जितबहादुर पुर्जा पुनको प्रस्तुति रहने जानकारी दिइयो । त्यसैगरी स्थानीय कलाकारहरुको पनि पर्वत साँझमा प्रस्तुति रहने जानकारी आयोजकले दिएको छ ।
कार्यक्रम आगामी जुन ९ तारिख बेलुकी ६ बजेदेखि याउ मा तेइ कम्युनिटी हल हङकङमा हुनेछ ।
जानकारीसभा कार्यक्रम पर्वत मञ्च हङकङका अध्यक्ष दुर्गा गुरुङ 'मिलन'को अध्यक्षतामा सम्पन्न कार्यक्रमको प्रमुख अतिथि संस्थाका पूर्वसंयोजक सल्लाहकार मिनबहादुर गुरुङ तथा हङकङ नेपाली महासंघकी अध्यक्ष रिता गुरुङद्धारा संयुक्त रुपमा विधिवत् दिप प्रज्वलन गरी कार्यक्रमलाई उद्घाटन गरेका थिए । कार्यक्रममा विशेष अथितिहरुमा हङकङ नेपाली महासंघ हङकङका अध्यक्ष रिता गुरुङ, संस्थाका भूपू अध्यक्ष तथा सल्लाहाकारहरु विशन गुरुङ, काजीकुमार गुरुङ, श्यामप्रसाद गुरुङ, सल्लाहाकारहरु धर्मगुरु देवीरास गुरुङ, तीर्थराज गुरुङ, मनोज गुरुङ, नेपाली जनप्रगतिशील मञ्च हङकङको अध्यक्ष हरिप्रसाद गुरुङ "हरिन्द्र", पर्वत क्लब हङकङका अध्यक्ष काजीमान गुरुङलगायत पर्वत भित्र रहेका बिभिन्न संस्थाहरुको अध्यक्ष तथा प्रतिनिधिहरु र अन्य विभिन्न संघ संस्थाका अध्यक्ष तथा प्रतिनिधिहरु अथितिको रुपमा उपस्थित थिए ।
कार्यक्रममा स्वागत मन्तव्य उपाध्यक्ष तथा कार्यक्रम संयोजक भिम गुरुङ (कान्छा) र कार्यक्रमको सञ्चालन महासचिव आस गुरुङले गरेका थिए ।
तस्बिर : एस के दर्पण
![पाँच नेपाली युवाको लगानीमा बेलायतमा भीपी स्टोर सञ्चालनमा [भिडियोसहित]](https://gurkhamedia.com/uploads/posts/Messenger_creation_4DD3141E-54DA-464A-9F31-4577973ABA16-1731687830.jpeg)
-1731591869.jpg)
![धामीको चरित्र निभाउन सजिलोचाहिँ पक्कै थिएन : माओत्से गुरुङ [अन्तर्वार्ता]](https://gurkhamedia.com/uploads/posts/Messenger_creation_82D7EC6F-80A8-442C-BA30-03CBBA0D96F7-1731684941.jpeg)
