सर्वोच्चको फैसलाले एनआरएनएलाई एक ढिक्का बनाउने बेलायतका अभियन्ता सेनको विश्वास

कर्मभूमि बेलायत

Home
कर्मभूमि बेलायत
सर्वोच्चको फैसलाले एनआरएनएलाई एक ढिक्का बनाउने बेलायतका अभियन्ता सेनको विश्वास

सर्वोच्चको फैसलाले एनआरएनएलाई एक ढिक्का बनाउने बेलायतका अभियन्ता सेनको विश्वास

गोर्खा मिडिया संवाददाता बिहीबार, चैत २९, २०८०

लन्डन । सर्वोच्च अदालतले गत साता गैरआवासीय नेपाली संघ (एनआरएनए) का दुईपटक भएका १० औं र ११ औं महाधिवेशन र त्यसक्रममा चुनिएका सबै कार्यसमितिलाई मान्यता नदिने फैसला गरेको विषयमा अभियन्ता थर्क सेनले एनआरएनएलाई एक ढिक्का बनाउने विश्वास व्यक्त गरेका छन् ।

अभियन्ता सेनले पूर्णपाठ आएपछि धेरै कुरा छर्लङ हुने उल्लेख गर्दै फैसलाले स्वघोषित ६ महिने ३ जना अध्यक्षहरु शून्यमा झरेको टिप्पणी गरेका छन् ।
पूर्णपाठ नआइन्जेल धर्यधारण गर्न आफ्ना नेता कार्यकर्तालाई उनले आग्रह गरेका छन् ।

‘अहिलेसम्म स्वघोषित पक्षले एनआरएनएको नाममा हालिमुहाली गरि संघलाई बद्नाम गर्‍यो । विवाद, विभाजन, समय श्रोत साधन र करोडौ रूपैयाँ अपचलन गरेकाले क्षतिपूर्ति तिराउनु पर्दछ,’ उनको माग छ । अब संघको गिर्दो साख पुनस्थापित गर्न सबैको एकता अपरिहार्य रहेको पनि उनको धारणा छ ।

गत बुधबार न्यायाधीश सपना प्रधान मल्ल र डा. नहकुल सुवेदीको इजलासले गैरआवासीय नेपाली संघको १० औँ र ११ औँ महाधिवेशन अवैध ठहर गर्दै दुई समानान्तर अन्तर्राष्ट्रिय समन्वय परिषद् खारेज गर्ने फैसला गर्दै १ माघ २०७८ मा एनआरएनएका पूर्वअध्यक्ष शेष घलेको अध्यक्षतामा गठित उच्चस्तरीय समितिलाई ६ महिनाभित्र एकता महाधिवेशन गराउन आदेश दिएको छ ।

सेनले घले नेतृत्वको उच्चस्तरीय समितिलाई एकता महाधिवेशन गराउन सबैले सहयोग गर्नुपर्ने जनाउंदै महाधिवेशनमा डेलिगेट्स कोटा नै विवादको मुख्य जड भएकाले अब एकपटक सदस्यता नवीकरण गरेका सबै सदस्यलाई मताधिकार दिइनुपर्नेमा पनि जोड दिएका छन् । सेन अध्यक्षको बलियो दावेदार पनि हुन् । अहिलेसम्म संघमा भएको सम्पूर्ण विवाद, विभाजन र समस्या समाधान गर्न अबको एकता अधिवेशनमा थर्क सेनको प्रतिनिधित्व जरूरी रहेको यूकेवासीको आवाज छ ।

प्रकाशित मिति: बिहीबार, चैत २९, २०८० १३:४७

प्रतिक्रिया दिनुहोस्