जीआरएनसीले नेपाली नयाँ वर्ष २०८१ मनाउँदै

कर्मभूमि बेलायत

Home
कर्मभूमि बेलायत
जीआरएनसीले नेपाली नयाँ वर्ष २०८१ मनाउँदै

जीआरएनसीले नेपाली नयाँ वर्ष २०८१ मनाउँदै

गोर्खा मिडिया संवाददाता बिहीबार, चैत १, २०८०

लन्डन । ग्रेटर रस्मुर नेपाली कम्युनिटी युकेले नेपाली नयाँ वर्ष २०८१ भव्यताका साथ मनाउने भएको छ ।

अल्डरसटस्थित एम्पायर हलमा आगामी अप्रिल १२ मा सांस्कृतिक तथा मनोरञ्जनात्मक कार्यक्रमसहित शुभकामना आदानप्रदान गरेर नयाँ वर्ष मनाउने तयारी गरिएको हो ।

नेपालका ख्यातिप्राप्त कलाकारले प्रस्तुति दिने कार्यक्रम संयोजक तथा उपाध्यक्ष डा. विशाल गुरुङले जानकारी दिए । अन्य विशिष्ट व्यक्तिसमेत उपस्थित हुनेछन्।

औपचारिक कार्यक्रममा बालबालिकाहरूले नेपाली राष्ट्रिय गान, नेपाली सांस्कृतिक गीतमा नृत्यलगायत प्रस्तुति पनि रहनेछन् । यसपालिको कार्यक्रम अति विशिष्ट हुने कार्यक्रम संयोजक उपाध्यक्ष डा गुरुङको भनाइ छ । यस्तै, चिनारी म्यागेजिनको दोस्रो संस्करणको तयारी पनि भइरहेको उनले बताए ।

बेलुका ५:३० मा शुरू हुने कार्यक्रमको टिकट मूल्य न्यूनतम राखिएको अध्यक्ष मान गुरुङले बताए । उनका अनुसार ज्येष्ठ नागरिक र युवालाई विशेष छुट तथा १२ वर्षभन्दा मुनिका बालबालिकालाई नि:शुल्क गरिनेछ।

कार्यक्रममा उपस्थित भएर मनोरञ्जन लिन र शुभकामना आदानप्रदान गर्न उनले अनुरोध गरे ।

प्रकाशित मिति: बिहीबार, चैत १, २०८० १९:३९

प्रतिक्रिया दिनुहोस्