नेपाल तामाङ कलाकार संघलाई तामाङ सोसाईटी अफ युकेबाट १ लाख सहयोग

कर्मभूमि बेलायत

Home
कर्मभूमि बेलायत
नेपाल तामाङ कलाकार संघलाई तामाङ सोसाईटी अफ युकेबाट १ लाख सहयोग

नेपाल तामाङ कलाकार संघलाई तामाङ सोसाईटी अफ युकेबाट १ लाख सहयोग

गोर्खा मिडिया संवाददाता बिहीबार, पुस १९, २०८०

लन्डन । तामाङ सोसाईटी अफ युकेले नेपाल तामाङ कलाकार संघलाई १ लाख रुपैयाँ नगद सहयोग गरेको छ ।

तामाङ चलचित्र संघ नेपालका नवनिर्वाचित कार्यसमितिलाई बधाई, शुभकामना ज्ञापन तथा तामाङ पत्रकार तथा प्रवासी संघ संस्थाका प्रतिनिधिहरुलाई सम्मानका लागि बुधबार काठमाडौंमा आयोजित कार्यक्रम उक्त सहयोग रकम तामाङ सोसाईटी अफ युकेका महासचिव मणि लामाले संघका अध्यक्ष विशाल काल्तानलाई हस्तान्तरण गरेका हुन् । संघको आयोजनामा ले गत मंसिर २९ र ३० गते सम्पन्न तेस्रो तामाङ मौलिक सेलो संगीत महोत्सवका लागि प्रतिबद्धता जनाएअनुसार सहयोग रकम हस्तान्तरण गरिएको हो ।

कार्यक्रममा तामाङ समाज युकेका महासचिव लामाले तामाङ भाषा,संस्कृतिको प्रवर्द्धनमा कलाकारहरुले कलाको माध्यममार्फत गर्ने अभियानहरु प्रभावकारी हुने विश्वास व्यक्त गरे । प्रवासमा तामाङ कलाकार तथा कलाकार संघसँग सहकार्य समन्वय गरी ल्होछार जस्ता कार्यक्रमहरु गर्दै आएको जनाउदै महासचिव लामाले आफूहरु सेलो महोत्सवमा पनि साथमा उभिएको बताए ।

कार्यक्रममा तेस्रो तामाङ मौलिक सेलो संगीत महोत्सवलाई समफल बनाउन सहयोग गर्ने तामाङ समाज युकेका साथै तामाङ घेदुङ इजरायल, तामाङ पत्रकारहरुलाई सम्मान गरिएको थियो भने तामाङ चलचित्र संघका नवनिर्वाचित कुमार मोक्तान नेतृत्वको कार्यसमितिलाई बधाई ज्ञापन गरिएको थियो ।

प्रकाशित मिति: बिहीबार, पुस १९, २०८० ११:१२

प्रतिक्रिया दिनुहोस्