किरात राई यायोक्खा बेलायतले यसरी मनायो उधौली

कर्मभूमि बेलायत

Home
कर्मभूमि बेलायत
किरात राई यायोक्खा बेलायतले यसरी मनायो उधौली

किरात राई यायोक्खा बेलायतले यसरी मनायो उधौली

गोर्खा मिडिया संवाददाता बुधबार, पुस ११, २०८०

लन्डन । किरात राई यायोक्खा बेलायतले उधौली–२०२३ लाई महान चाडरुपमा मनाएको छ । २६ डिसेम्बरमा किरात राई हाउस ग्याम्बल्स लेन वकिङमा आयोजना गरिएको उधौली उत्सवमा प्रकृति पूजक किरात राईहरुले किरात राई परम्पराअनुसार भूमिको पूजा गर्दै सिलीसहित उत्सव मनाएका हुन् ।

किरात राई जातिले यो चाडलाई पृथ्वीमा कृषि युगको शुरुवात भएदेखि नै मान्दै आएको विश्वास गरिन्छ । किरात राई जातिले यो चाडलाई ऋतु परिवर्तनसँगै वर्षमा २ पटक धुमधामका साथ मनाउने गर्दछन् ।

411917187_710424924487893_1349924482622553707_n1703693480.jpg

वैशाख शुक्ल पूर्णिमा अर्थात् वसन्त ऋतुमा उभौली र मंसिर शुक्ल पूर्णिमा अर्थात् शरद ऋतुमा उधौली उत्सवरुपमा मनाउने चलन रहेको उधौली–२०२३ का संयोजक तथा किराया बेलायतको उपाध्यक्ष मे.रि. दिलकुमार राईले बताए । खासमा किरात राईहरुले हरेक वर्ष अन्नबाली लगाउने बेलामा उभौली र अन्नबाली पाक्ने बेलामा खुसीयाली मनाउँदै उधौली उत्सव मनाएको पाइन्छ ।

किरात राई यायोक्खा बेलायतले प्रतिकूल मौसमका कारण प्रत्येक साल उभौली उत्सवमात्र ब्यापक तामझाम र भब्यताका साथ मनाउँदै आएकोमा उभौली २०२३ नै ऐतिहासिक रूपले सबै विधि पु¥याउँदै सिलीसहित बेलायतमा मनाइएको पहिलो उधौली उत्सव हो । आगामी वर्ष यसलाई ब्यापकरुपमा निरन्तरता दिँदै लगिने किरात राई यायोक्खा बेलायतको संस्थापक तथा वर्तमान अध्यक्ष चन्द्रबहादुर राईले बताए ।

किराया बेलायतका अध्यक्ष चन्द्रबहादुर राईको अध्यक्षतामा भएको समाारोहमा प्रमुख अतिथि पुर्खा तथा किरात राई चाम्लिङ खाम्बातिम नेपालका संस्थापक अध्यक्ष जगत राई रहेका थिए ।

विशेष अतिथिमा मंगोल नेस्नल अर्गनाइजेसन क्रान्तिकारीको अध्यक्ष शक्ति चाम्लिङ राई र गैरआवासीय नेपाली संघ युकेका महासचिव प्रमिला लाबुङ राई थिए । साथै किराया बेलायत स्थानीय समन्वय परिषद अर्थात् प्रा का स ग्रेटर रस्मोरका अध्यक्ष ध्रुवसरी राई, किराया बेलायतको नाक्छुङ किताबसेर राई लगायत पनि उपस्थित थिए । कार्यक्रम संचालन महासचिव चन्द्रवती राई र जनस्वास्थ्य र सुरक्षासम्बन्धी सचेतनाबारे उपाध्यक्ष क्या.रि. सुमनचन्द्र राईले प्रकाश पारेका थिए ।

412244966_3003744026427911_6517916385167836145_n1703693497.jpg