प्रधानमन्त्री प्रचण्डसँग बेलायतवासी व्यवसायी लक्ष्मी राईको भेट

कर्मभूमि बेलायत

Home
कर्मभूमि बेलायत
प्रधानमन्त्री प्रचण्डसँग बेलायतवासी व्यवसायी लक्ष्मी राईको भेट

प्रधानमन्त्री प्रचण्डसँग बेलायतवासी व्यवसायी लक्ष्मी राईको भेट

गोर्खा मिडिया संवाददाता आइतबार, मंसिर २४, २०८०

लन्डन । प्रधानमन्त्री पुष्पकमल दाहाल 'प्रचण्ड' सँग बेलायतवासी व्यवसायी लक्ष्मी राईले भेट गरेकी छन् ।

प्रधानमन्त्री निवास बालुवाटारमा शनिबार व्यवसायी राईसहित उनका दाजु गोर्खा मेजर हर्कबहादुर राई र भाइ टीका भण्डारीसहितले भेटवार्ता गरेको हो । न्यू लक्ष्मी ज्वेलर्स अल्डरसटकी सञ्चालकसमेत रहेकी राईले नेपाल पुगेको बेला आफ्नो देशका प्रधानमन्त्रीसँग भेट गर्ने इच्छा बमोजिम छलफल गरिएको जानकारी दिइन् ।

'प्रधानमन्त्री प्रचण्डज्यूको कामलाई हामी प्रशंसा गर्छौं । नेपालको पर्यटन, शिक्षा, कृषिलगायत क्षेत्रमा हामीले केही गर्ने सोचिरहेका छौं । नेपाल आएको बेला उहाँ (प्रधानमन्त्री) सँग भेट गरेका हौं,' प्रधानमन्त्री प्रचण्डसँगको भेटबारे राईले भनिन्, 'तपाईंहरु नेपालमा केही गर्छौं भनेर आउनु भएको छ । तपाईंहरुले देश र जनताका लागि चाल्ने कदममा मेरो व्यक्तिगत र सरकारको तर्फबाट के सहयोग चाहिन्छ, सहयोग गर्न तयार छु । दक्ष र सीप भएका एनआरएन देश आउनु पर्छ । मिलेर देश बनाउनुपर्छ ।'

राईले प्रधानमन्त्रीसँग भेटले आफूलाई नेपालमा केही गर्नलाई झनै इन्करेज भएको प्रतिक्रिया जनाइन् ।

भोजपुर जिल्लमा जन्मिएकी राईको पुस्ता अहिले धरान बस्दै आएको छ । तर लक्ष्मी बेलायतको अल्डरसटमा सुनचाँदी व्यवसाय सञ्चालन गर्दै आएकी छन् । उनी एक हप्तापछि बेलायत फर्कँदै छिन् । उनी तिहारबेला नेपाल पुगेकी हुन् । नेपाल बसाइका क्रममा व्यवसायी राईले संस्कृति, पर्यटन तथा नागरिक उड्ययनमन्त्री सुदन किराती, धरान उपमहानगरपालिकाका मेयर हर्क साम्पाङलगातसँग पनि भेट गरेकी छन् ।

प्रकाशित मिति: आइतबार, मंसिर २४, २०८० १३:४४

प्रतिक्रिया दिनुहोस्