लन्डन । तमु समाज युकेले शनिबार वरिष्ठ चलचित्रकर्मी ताराबहादुर गुरुङ र लोकदोहोरी सर्जक सागर गुरुङलाई सम्मान गरेको छ ।
नेपाली गीत, संगीत र कला क्षेत्रमा पुर्याएको योगदानको कदरस्वरुप विशिष्ट समाज सेवा सम्मानपत्र-२०२३ द्वारा सम्मान गरिएको संस्थाका अध्यक्ष शिवकुमार गुरुङले बताए ।
ताराबहादुर गुरुङ चलचित्रका ‘महानायक’ पनि हुन् । उनी नेपाली मौलिक तथा तमु संस्कृतिको धरोहर, संरक्षक एवं संस्कृतिकर्मी हुन् ।
यस्तै, नेपाली मौलिक लोकदोहोरी तथा संस्कृति क्षेत्रको सर्जक सागर गुरुङ रेडियो तथा टेलिभिजन कार्यक्रम प्रस्तोतासमेत हुन् ।
संस्थाका अध्यक्ष शिवकुमार गुरुङ, संस्थापक अध्यक्ष चित्रबहादुर गुरुङ र आमा समूहका कार्यवाहक अध्यक्ष मथुरा गुरुङले खादा, फेटा लगाएर सम्मानपत्र प्रदान गरे । कार्यक्रमको संचालन समाजका महासचिव धरमबल गुरुङले गरेका थिए ।
सम्मानित स्रष्टाले तमु समाज युकेबाट प्राप्त सम्मानप्रति खुसी ब्यक्त गर्दै कृतज्ञता ज्ञापन गरे ।
कार्यक्रममा समाजका पूर्वअध्यक्ष अर्जुनकुमार गुरुङ, निवर्तमान अध्यक्ष शिवचन्द्र गुरुङ, वरिष्ठ उपाध्यक्ष हर्कबहादुर गुरुङ, उपाध्यक्ष बिन्दु घले, आमा समुहका पूर्व अध्यक्ष माया गुरुङ लगायतको उपस्थिति थियो ।
-1732095969.jpg)
![पाँच नेपाली युवाको लगानीमा बेलायतमा भीपी स्टोर सञ्चालनमा [भिडियोसहित]](https://gurkhamedia.com/uploads/posts/Messenger_creation_4DD3141E-54DA-464A-9F31-4577973ABA16-1731687830.jpeg)
-1731591869.jpg)
