वरिष्ठ संस्कृतिकर्मी तथा गुरुङ चलचित्रका नायक ताराबहादुरको अभिनन्दन

प्रमुख समाचार

Home
प्रमुख समाचार
वरिष्ठ संस्कृतिकर्मी तथा गुरुङ चलचित्रका नायक ताराबहादुरको अभिनन्दन

वरिष्ठ संस्कृतिकर्मी तथा गुरुङ चलचित्रका नायक ताराबहादुरको अभिनन्दन

गोर्खा मिडिया संवाददाता सोमबार, भदौ २५, २०८०

लन्डन । सोपाल समाज युकेले वरिष्ठ संस्कृतिकर्मी तथा गुरुङ चलचित्रका नायक ताराबहादुर गुरुङलाई स्वागत तथा अभिनन्दन गरेको छ ।

१० सेप्टेम्बरमा लन्डनको ग्रिन फोर्डमा भव्य समारोहबीच उनले कलाकारिता क्षेत्रमा पु¥याएको योगदानको उच्च कदर गर्दै अभिनन्दन गरिएको हो ।

सो अवसरमा उनीद्वारा अभिनित चलचित्र ‘ङै माया क्योलाई’ पनि प्रदर्शन भयो । सोंपाल समाज युकेका महासचिव भरत गुरुङले कार्यक्रममा उपस्थित भई सहयोग गर्ने सम्पूर्णमा हार्दिक आभार व्यक्त गरेका छन् ।

अभिनन्दित व्यक्तित्व ताराबहादुर गुरुङले उक्त सम्मानप्रति आभार व्यक्त गरेका छन् । सामाजिक सञ्जाल फेसबुकमार्फत उनले यो सम्मान, आशीर्वाद र हौसला आफ्नो जीवनमा ठुलो प्रेरणा मिलेको बताएका छन् ।

तमु धिं युकेका अध्यक्ष हरि गुरुङको प्रमुख आतिथ्यमा भएको कार्यक्रम समाजका अध्यक्ष श्रीप्रसाद गुरुङको अध्यक्षतामा भएको हो । कार्यक्रममा विभिन्न क्षेत्रका व्यक्तित्वहरुको ठुलो उपस्थिति थियो ।

375203602_682355680462225_1148546604708120774_n1694422280.jpg