लन्डन १० सेप्टेम्बर २०२३ । मानवसेवा आश्रमका केन्द्रीय अध्यक्ष रामजी अधिकारी नेतृत्वको टोली बेलायत आइपुगेको छ ।
आश्रमका महासचिव सुशीला केसी र सचिव सुमन बर्तौलासहितको टोली आइतबार बेलायत आइपुगेको हो । २२ दिन बेलायतमा रहने यो टोलीले बेलायतमा रहेका नेपालीहरुमाझ सहयोगापेक्षी सडक आश्रित मानवमुक्त राष्ट्र नेपाल निर्माणका लागि अन्तरक्रिया कार्यक्रम र बेलायतको विभिन्न सहरमा आमा सेमिनार आयोजना गर्नेछ ।
मानवसेवा आश्रम बेलायत च्यापटर संयोजक सुनिल बाबु खड्काका अनुसार सेप्टेम्बर २४ तारिकका दिन बेलायतका लागि नेपालका राजदूत ज्ञानचन्द्र आचार्यको प्रमुख आतिथ्यतामा एम्पायर बेङक्वेटीङ हल, हाइस्ट्रिटमा र २५ तारिकमा नटिङ्घममा, १७ तारिकमा साउथ इस्ट लन्डनमा कार्यक्रम तय भएको छ । अन्य कार्यक्रमहरु तय हुने क्रममा छन् । विशेषगरी बेलयतमा यस पटक आमा सेमिनार प्रस्तुत हुनेछ ।
सबै कार्यक्रममा प्रवेश नि:शुल्क हुने र कार्यक्रमलाई सफल बनाउन सकैले स्वेच्छाले सहयोग गरे त्यसलाई स्वीकार गरिने मानवसेवा आश्रम यूके च्यापटर संयोजक खड्का बताउँछन् ।
मानवसेवा आश्रमले सम्बत् २०६९ (ई.सं २०१२ मा) मा परिवार बस्न बनाएको घरको दुई तला भाडामा लिइ हेटौंडा ५ सानोपखराबाट सेवा सुभारम्भ भएको थियो। यस आश्रमले नेपाललाई नै २०८२ सालभित्र सहयोगापेक्षी सडकआश्रित मानवमुक्त राष्ट्र नेपाल निर्माण गर्ने लक्ष्य लिएको छ भने हाल सोही लक्ष्य प्राप्तीको लागि देशको २४ स्थानमा सेवाकेन्द्रहरु विस्तार गरी सेवालाई देशव्यापी बनाएको छ । लक्ष्य प्राप्तिका लागि नागरिकमा सामाजिक भावनाको विकास गराउने र सरकारलाई जोखिममा रहेका नागरिकको उद्धार र संरक्षणको प्रमुख दायित्वबाट विमुख हुन नदिने प्रयत्नमा मानवसेवा आश्रम रहेको मानवसेवा आश्रमका प्रमुख संस्थापक रामजी अधिकारी बताउछन् ।
उहाँको अनुसार, आजको एक्काइसौं सताब्दीमा समेत एक समूह मान्छेकै भेषमा जन्म लिएर पनि नारकिय जीवन विताउन बाध्य छन् । एक गाँस भोजन र एक सरो कपडाको अभावमा सडकपेटी र सार्वजनिक स्थलमा कष्टपूर्ण जीवन विताइरहेका छन् । कति सडकआश्रित बनेका मनोरोगी महिला दिदीबहिनीहरु मठ मन्दिर र पाटी पौवामै समेत बलात्कृत हुने गरेका छन् । बृद्धबृद्धा र बालबालिकाको अवस्था यो भन्दा कम छैन । यस्तो दुराअवस्थालाई कहिले सम्म टुटुटुलु हेरीबस्ने ? संविधानले हरेक नागरिकलाई सम्मान पूर्वक बाँच्न पाउने अधिकार सुनिश्चित गरिदिएको छ तर व्यवहारतः यस्तो भइरहेको छैन । अभिभावकविहीनलाई अभिभावकत्व प्रदान गर्ने प्रयास र प्रयत्न निरन्तर गरिरहेका छौं तर देशलाई नै बेसहारा मुक्त बनाउने कुरा हाम्रो मात्र प्रयासबाट सम्भव छैन।
त्यसैंले देश विशेषमा रहेका नेपाली नागरिकहरुको सहयोग र सद्भाव प्राप्त गर्न विशेष यात्रा सुभारम्भ गरिएको हो । ११ वर्षमा मानवसेवा आश्रमले झण्डै ८५०० बढी सहयोगापेक्षी सडकआश्रित मानवहरुको उद्धार गरी तीनको मानवोचित व्यवस्थापन गरिसकेको छन् । जसमध्ये करिब १६०० जना हाल मानवसेवा आश्रमको संरक्षणमा छन् ।
-1732408259.jpg)
-1732504368.jpg)
-1732095969.jpg)
-1732506431.jpg)
![पाँच नेपाली युवाको लगानीमा बेलायतमा भीपी स्टोर सञ्चालनमा [भिडियोसहित]](https://gurkhamedia.com/uploads/posts/Messenger_creation_4DD3141E-54DA-464A-9F31-4577973ABA16-1731687830.jpeg)
