लन्डन । बुद्धिष्ट कम्युनिटी सेन्टर (बीसीसी) यूकेले खेन्पो कर्म छुल्त्रिमको स्वागत गरेको छ ।
आइतबार अल्डरसटस्थित बुद्धिष्ट कम्युनिटी सेन्टर यूकेको गुम्बामा बीसीसी यूकेका अध्यक्ष हर्कबहादुर गुरुङ, आमा अध्यक्ष उर्मिला गुरुङ, खेन्पो फुर्तेम्बा, पदाधिकारी, सल्लाहकार, सदस्य, आमाहरुका साथसाथै भक्तजनहरुले उनलाई स्वागत गरेका थिए ।
सोही दिन बेलायत भ्रमणमा रहेका लामा लुङि«ग निमा रिन्पोछेले पेचा र च्योद्को लुङ्ग प्रदान गरेका थिए ।
बौद्ध परम्परामा पेचा (ग्रन्थ), च्योद् (डमरु घन्टी) साधनालाई विशेष महत्वका साथ हेर्ने गरिन्छ । सन् २०१९ मा बीसीसी यूकेको निमन्त्रणामा बेलायत आउँदा बीसीसी यूकेका भक्तजनहरुलाई च्योद् साधना गराएका रिन्पोछेले बीसीसी यूकेका भक्तजनहरुलाई सो लुङ्ग प्रदान गरिएको हो ।
बीसीसी यूकेका अध्यक्ष हर्कबहादुर गुरुङले अध्यक्षतामा भएको कार्यक्रमको संचालन महासचिव मेजर हितमान गुरुङले गरेका थिए ।
त्यस्तै, बीसीसी यूकेले ३ दिने चिल्ड्रेन समर क्याम्प आयोजना गरेको छ । गत ९ देखि ११ अगष्टसम्म बिसीसी यूकेको अल्डरसटस्थित बौद्ध गुम्बा परिसरमा चिल्ड्रेन समर क्याम्प आयोजना गरिएको हो ।
विशेषगरी बेलायतमा रहेका नेपाली बालबालिकाहरुलाई बुद्धिजम, मेडिटेशन, योगा, दैनिक पूजापाठ, साम्बुटा लिपी लगायतको विषयमा जानकारी गराउने उद्देश्यका साथ कोभिड–१९ पश्चात तेश्रो पटक आयोजना गरिएको हो । विभिन्न उमेर समूहका ३१ जना बालबालिकाहरुको सहभागी रहेको क्याम्पमा यसपटक नेपालीबाहेक अरु समुदायका वच्चाहरुको समेत सहभागिता थियो ।
बिसीसी युकेका प्रमुख सल्लाहकार मेजर खुशीमान गुरुङको संयोजकत्वमा सम्पन्न उक्त समर क्याम्पमा बीसीसी यूकेका खेन्पो कर्म छुल्त्रिम र खेन्पो फुेतेम्बाले फोर नोवल त्रुथ एण्ड फाईव पर्सेप्ट, मेडिटेशन, व्हील अफ लाईफलगायत बुद्धिजमबारे जानकारी गराएका थिए । त्यस्तै, बीसीसी यूके आमा सचिव शारदा गुरुङ र मेरिटले वच्चाहरुलाई योगा अभ्यास गराएका थिए ।
३ दिने समर क्याम्पबाट बालबालिकाहरुले बौद्ध धर्म, संस्कार, संस्कृति र परम्पराबारे जानकारी लिन सफल भएको कार्यक्रम संयोजक मेजर गुरुङले बताए ।
प्रत्येक दिन बालबालिका बौद्ध शिक्षासंगसंगै मनोरञ्जनात्मक खेलहरु समेत खेलेका थिए । अन्त्यमा हाल बेलायत भ्रमणमा रहेका लामा लुङि«ग निमा रिन्पोछेले सहभागी बालबालिकाहरुलाई सहभागिताको प्रमाणपत्र प्रदान गरिएको थियो ।
बौद्ध दर्शनसंग सम्बन्धित विभिन्न वृत्तचित्रहरु समेत प्रस्तुत गरिएको क्याम्पमा बीसीसी यूकेका अध्यक्ष हर्कबहादुर गुरुङ, आमा प्रमुख उर्मिला गुरुङ, संस्थापक अध्यक्ष लेप्टन काजी शेर्पा, पूर्व अध्यक्ष नरेश गुरुङ, संस्थापक आमा अध्यक्ष ज्ञानुमाया गुरुङ, पुष्पा गुरुङ लगायत सल्लाहकार, पदाधिकारी तथा सदस्यहरु, आमाहरु एवं स्वंयसेवकहरुको उपस्थिति थियो ।
-1732408259.jpg)
-1732504368.jpg)
-1732095969.jpg)
-1732506431.jpg)
![पाँच नेपाली युवाको लगानीमा बेलायतमा भीपी स्टोर सञ्चालनमा [भिडियोसहित]](https://gurkhamedia.com/uploads/posts/Messenger_creation_4DD3141E-54DA-464A-9F31-4577973ABA16-1731687830.jpeg)
