चार भञ्ज्याङ तमु समाज युकेको ग्रीष्मकालीन भेटघाट

कर्मभूमि बेलायत

Home
कर्मभूमि बेलायत
चार भञ्ज्याङ तमु समाज युकेको ग्रीष्मकालीन भेटघाट

चार भञ्ज्याङ तमु समाज युकेको ग्रीष्मकालीन भेटघाट

गोर्खा मिडिया संवाददाता मंगलबार, साउन २३, २०८०

लन्डन । चार भञ्ज्याङ तमु समाज युकेको १६ औं ग्रीष्मकालीन भेटघाट शनिबार सम्पन्न भयो । अल्डरसटको एल्डरवुड लेजर सेन्टरमा भएको कार्यक्रममा विविध कार्यक्रम भए ।

सो अवसरमा विभिन्न व्यक्तित्वको सम्मान गरिएको थियो । जसमा ८० वर्ष उमेर पुगेका धनबहादुर गुरुङ (लामे) र रामसिङ घले (खाल्टे) लाई धर्म गुरु खेम्पो रिम्पोचे श्रीलम गुरुङले समाजको तर्फबाट लठ्ठी प्रदान गरी खादा ओढाई सुस्वास्थ्य र दीर्घायुको आशीर्वाद दिए ।

धर्म गुरु खेम्पो रिम्पोचे श्रीलम गुरुङ र किसनसिंङ घलेलाई भने समाजका अध्यक्ष बनेकुमार गुरुङले सम्मान गरे । तमु धीं युकेले आदर्श तमुले सम्मानित ब्रिटिस भूपू मेजर कृष्णबहादुर गुरुङ र उनकी पत्ती अमला गुरुङलाई क्रगि लगाइदिएर र क्रमु ओडाएर सम्मान गरे ।

तमु धीं युकेले आदर्श तमुले सम्मानित पन्च गुरुङ र उनका श्रीमान ब्रिटिस भूपू लेप्टेन कुसंङ गुरुङलाई क्रमु ओढाइ र क्रगि लगाइदिएर अध्यक्षले सम्मान गरे । एनआरएनए युकेका नवनिर्वाचित अध्यक्ष हितकाजी गुरुङ र उनकी पत्नी सीता गुरुङलाइ क्रगि लगाइदिएर र क्रमु ओडाएर सम्मान गरियो । अन्तर्राष्ट्रिय समन्वय समिति सदस्यमा निर्वाचित ब्रिटिस भूपू ह. लेप्टन चन्द्रबहादुर गुरुङ र उनकी पत्नी बिमला गुरुङ र दिलराज गुरुङलाई समाजका अध्यक्षल क्रगि लगाइदिएर र क्रमु ओडाएर सम्मान गरे ।

समाजको नयाँ सदस्यलाई उपाध्यक्ष दुर्गा गुरुङ र आमा समूहका अध्यक्ष पन्च गुरुङले खादा र व्याच लगाएर स्वागत गरे । नवविवाहित जोडीहरुलाइ क्रगि लगाइदिएर र क्रमु ओडाएर आशीर्वाद र उज्ज्वल भविष्यको शुभकामना दिइयो । गोर्खा कपमा फुड स्टलमा सहयोग गर्ने सबै स्वयंसेवकहरुलाई खादा लगाईं धन्यवाद दिइयो । फुड स्टलमा मुख्य भूमिका निर्वाह गर्ने हेड सेफ प्रकास गुरुङ र उनकी पत्नी जयन्ती गुरुङलाई पनि सम्मान गरिएको थियो ।

char (1)1691433560.jpg

सम्मान गर्नेक्रममा विभिन्न संघसंस्थाहरुमा अध्यक्ष पदमा निर्वाचित बेसिंस्टक नेपाली समाजको अध्यक्ष दुर्गा गुरुङ, पर्वत वेलफेयर सोसाइटी अध्यक्ष अप्सरा गुरुङ, श्रीमती योगिता गुरुङको श्रीमान् अनिल गुरुङ र गोर्खा दरबार रेष्टुरेन्टको मालिक धनबहादुर गुरुङ क्रगि लगाइदिएर र क्रमु ओडाएर सम्मान गरियो ।

समाजका अध्यक्ष बनेकुमार गुरुङको अध्यक्षतामा भएको कार्यक्रममा स्वागत उपाध्यक्ष दुर्गा गुरुङ र संचालन महासचिव अमर गुरुङले गरे । कार्यक्रममा नेपाली कलाकार शिव हमाल र मनमाया वाइबाको प्रस्तुतिले सबैलाई भरपूर मनोरञ्जन प्रदान गरेको थियो ।

char (19)1691433624.jpg