नेपाल पत्रकार महासंघका केन्द्रीय महासचिव पुरी बेलायत आइपुगे

कर्मभूमि बेलायत

Home
कर्मभूमि बेलायत
नेपाल पत्रकार महासंघका केन्द्रीय महासचिव पुरी बेलायत आइपुगे

नेपाल पत्रकार महासंघका केन्द्रीय महासचिव पुरी बेलायत आइपुगे

गोर्खा मिडिया संवाददाता आइतबार, असार २४, २०८०

लन्डन । नेपाल पत्रकार महासंघका केन्द्रीय महासचिव रोशन पुरी बेलायत आइपुगेका छन् । नेपाल पत्रकार महासंघ बेलायत शाखाको वार्षिकोत्सव तथा च्यारिटी नाइटमा सहभागी हुन महासचिव पुरी शनिबार राति लन्डनस्थित हिथ्रो विमानस्थलमा उत्रिएका हुन् । उनलाई शाखा अध्यक्ष ध्रुवराज अर्याल, संस्थापक अध्यक्ष नवीन पोखरेल, उपाध्यक्ष शिव भण्डारी, महासचिव नरेन्द्र बस्नेत, युवा अभियन्ता वीरेन्द्र खड्का लगायतले विमानस्थलमा स्वागत गरे ।

शाखाले आइतबार साँझ अल्डरसटस्थित एम्पायर हलमा १२ औँ वार्षिकोत्सव र च्यारिटी डिनर गर्दैछ । च्यारिटीबाट संकलित रकम बेलायत तथा नेपालका पत्रकारहरुको व्यावसायिक सिप अभिवृद्धिका लागि खर्च गरिने शाखाले जनाएको छ ।

बेलायतका लागि नेपाली राजदूत ज्ञानचन्द्र आचार्य प्रमुख अतिथि रहने कार्यक्रममा बेलायतस्थित नेपाली समुदायका अभियन्ता र नेपाली संघसंस्थाका अग्रजहरुको उपस्थिति रहनेछ भने गायक धिरज राई, सपनकुमार राई, सितु खरेललगायत कलाकारहरुले मनोरञ्जन दिलाउनेछन् ।

प्रकाशित मिति: आइतबार, असार २४, २०८० १०:०३

प्रतिक्रिया दिनुहोस्