ऐतिहासिक बन्यो पाँचौं मोना भलिबल प्रतियोगिता

कर्मभूमि बेलायत

Home
कर्मभूमि बेलायत
ऐतिहासिक बन्यो पाँचौं मोना भलिबल प्रतियोगिता

ऐतिहासिक बन्यो पाँचौं मोना भलिबल प्रतियोगिता अल्डरसट भलिबल क्लब युके पुरुषतर्फको विजेता

गोर्खा मिडिया संवाददाता आइतबार, असार १७, २०८०

लन्डन । म्याग्दी प्रवासी नेपाली संघ (मोना) युकेको आयोजनामा पाँचौं मोना भलिबल प्रतियोगिता–२०२३ भएको छ । रुसमूर सेन्ट्स एफसी अल्डरसटमा शनिबार भएको प्रतियोगिता पुरुष, महिला, भेटेरान्स इभेन्टमा भएको हो ।

फाइनलमा केन्ट भलिबल क्लब युकेलाई हराउँदै अल्डरसट भलिबल क्लब युकेले पुरुषतर्फको उपाधि जितेको छ ।उसले यसअघि पनि उपाधि जितेको थियो । महिलातर्फ सालिजा गाविसले उपाधि जित्यो । फाइनलमा मोना भलिबल क्लब युकेको चुनौती पन्छाउँदै सालिजा प्रथम भएको हो ।

यसैगरी, भेटेरान्सतर्फ छन्त्याल एसोसिएसन युके विजयी भयो । फाइनलमा मोनालाई उसले हराएको हो ।

पुरुषतर्फ बेस्ट प्लेयर अल्डरसटका भलिबल क्लबका विशाल थापा घोषित भए । महिलातर्फ सालिजाकी चनु पुन र भेटेरान्सतर्फ छन्त्याल एसोसिएसन युकेका चौमान बराल उत्कृष्ट खेलाडी बने ।

mona volleyball (9)1688318711.jpg

सो अवसरमा भएको ठेलो प्रतियोगितामा अल्डरसटका बसन्त आले विजयी भए ।

प्रतियोगिता अवसरमा विविध सांस्कृतिक कार्यक्रम समेत प्रस्तुत भएको थियो । पुरुषतर्फ विजेताले १७ सय र उपविजेताले ११ सय, महिलातर्फ विजेताले ११ सय र उपविजेताले ६ सय पाउण्ड पुरस्कार प्राप्त गरे । यस्तै, भेटेरान्सतर्फ विजेताले १ हजार र उपविजेताले ६ सय प्राप्त गरे । ठेलो प्रतियोगितामा विजेतालाई १ सय ५० पुरस्कार दिइयो ।

भलिबलमा पुरुषतर्फ १४, महिला र भेटेरान्समा ८/८ टिमले भाग लिएका थिए ।

प्रमुख अतिथि एनआरएनए युकेका अध्यक्ष प्रेम गाहामगर र काउन्सिलर नेम थापाले पुरस्कार हस्तान्तरण गरे आयोजक संस्थाका कार्यवाहक अध्यक्ष एवं कार्यक्रम संयोजक लालु पुनले सहभागी सबैलाई धन्यवाद दिए ।

प्रतियोगितामा पुरुषतर्फ संस्थाका पूर्व उपाध्यक्ष होम रोका, महिलातर्फ उपाध्यक्ष पदम र भेटेरान्समा वरिष्ठ उपाध्यक्ष लालु पुनले शिल्ड प्रायोजन गरेका थिए । महिलातर्फ प्रथम पुरस्कार योगेन/रीताले १ हजार १ सय पाउण्ड, वाटर मेलोन मोर्टेज किरण गुरुङले दोस्रो पुरस्कार प्रायोजन गरे । भेटेरान्सतर्फ वल्र्ड रेमिटले प्रथम पुरस्कार र दिलरास गुरुङ र कमल गुरुङले प्रायोजन गरेका हुन् । ठेलोमा कुसुमुसु सुसी वार फ्लीट अजय थापाले स्पोन्सर गरे ।

पाँचौं मोना भलिबल प्रतियोगिताका लागि नेपालबाट म्याग्दी जिल्ला भलिबल संघका अध्यक्ष एवं भलिबल प्रशिक्षक तेजेन्द्र बानियाँ र नेपाली राष्ट्रिय महिला भलिबल कप्तान अरुणा शाही पनि पुगेका थिए ।

मोना युके गण्डकी प्रदेशअन्तर्गत म्याग्दी जिल्लाबाट बेलायतमा बसोबास गर्नेहरुको साझा संस्था हो । मोना अष्टेलिया, युएई, जापानले पनि यस्तै प्रकारको भलिबल खेलाउँछ ।

mona volleyball (16)1688318806.jpg