मिर्सा घाचोक, धिप्राङ्ग र ल्वाङ्ग नल्कु म्हिगीलामा परिवार यूकेको भोज कार्यक्रम सम्पन्‍न

कर्मभूमि बेलायत

Home
कर्मभूमि बेलायत
मिर्सा घाचोक, धिप्राङ्ग र ल्वाङ्ग नल्कु म्हिगीलामा परिवार यूकेको भोज कार्यक्रम सम्पन्‍न

मिर्सा घाचोक, धिप्राङ्ग र ल्वाङ्ग नल्कु म्हिगीलामा परिवार यूकेको भोज कार्यक्रम सम्पन्‍न

गोर्खा मिडिया संवाददाता बुधबार, वैशाख २०, २०८०

लन्डन । विभिन्न पेसा व्यवसायका लागि बेलायतमा बसोबासरत मिर्सा घाचोक, धिप्राङ्ग र ल्वाङ्ग नल्कु म्हिगीलामा परिवार यूकेको वार्षिक भेटघाट तथा चेली ज्वाइँको सम्मानमा आयोजित भोज कार्यक्रम सम्पन्‍न भएको छ ।

गत ३० अप्रिल २०२३ का दिन अल्डरसटस्थित एम्पायर हलमा मिर्सा घाचोक, धिप्राङ्ग र ल्वाङ्ग नल्कु म्हिगीलामा परिवार यूकेको वार्षिक भेटघाट कार्यक्रम आयोजना गरिएको हो । भाइखलकका जेष्ठ सदस्य तीर्थबहादुर गुरुङ, नन्दकुमारी गुरुङले दीप प्रज्ज्वलन गरी कार्यक्रम उद्घाटन गरेका थिए । कार्यक्रममा हङकङबाट बेलायत आएकी एनआरएनएकी सचिव टीका (राधिका) गुरुङ, डान्सर रजनी गुरुङ, लोक दोहोरी गायक पृथ्वी गुरुङ अतिथिका रुपमा उपस्थित थिए ।

गत वर्ष दिवंगत भएका सदस्यहरुको निम्ति कार्यक्रममा २ मिनेट मौनधारण गरिएको थियो । यस पटक कार्यक्रमको नेतृत्व धिप्राङ्गका पदम गुरुङले र व्यवस्थापन दिलरास गुरुङले गरेका थिए ।

मनोरञ्जन कार्यक्रमको व्यवस्थापन नारायण गुरुङ, अर्थ संकलन ईश्वर गुरुङ, खाना पिय पदार्थलगायत विजेन्द्र गुरुङसहितको टिमले जिम्मेवारी लिएका थिए । डिजेमा लक्ष्य गुरुङका छोरा र उनको टिमले गरेको थियो ।

भोजको तयारी भाइखलक सबैले गरेका थिए । अध्यक्ष दिलरास गुरुङले कार्यक्रममा प्रत्यक्ष र अप्रत्यक्ष रुपमा सहयोग गरी सफल बनाइदिएकोमा धन्यवाद व्यक्त गरे ।