मौसम र दीपिकाको स्वरमा ‘आऊ सानु दमौली पुल तरी’ सार्वजनिक

मनोरञ्जन

Home
मनोरञ्जन
मौसम र दीपिकाको स्वरमा ‘आऊ सानु दमौली पुल तरी’ सार्वजनिक

मौसम र दीपिकाको स्वरमा ‘आऊ सानु दमौली पुल तरी’ सार्वजनिक

गोर्खा मिडिया संवाददाता शुक्रबार, कात्तिक १३, २०८३

पोखरा । गायक मौसम गुरुङ र गायिका दीपिका बायम्बु मगरको स्वरमा सजिएको नयाँ मौलिक नेपाली लोकदोहोरी गीत ‘आऊ सानु दमौली पुल तरी’ बजारमा आएको छ। उक्त गीत गायक मौसम गुरुङकै आधिकारिक युट्युब च्यानलमार्फत सार्वजनिक गरिएको हो।

सार्वजनिक गीतमा शब्द रचना ओम छिनालको रहेको छ भने संगीत तथा थेगो स्वयं गायक मौसम गुरुङले तयार पारेका हुन्। गीतको संगीत संयोजन कृष्ण केसीले गरेका छन्। मालश्री स्टुडियोमा रेकर्डिङ भएको यस गीतको मिक्सिङ तथा मास्टरिङ खडक बाजुरालीले गरेका हुन् भने सागर बाजुरालीको रेकर्डिङ र राजेन्द्र बाजुरालीको प्रि-मिक्सिङ रहेको छ।

शर्मिला गुरुङ निर्माता रहेको यस गीतको भिडियो पनि आकर्षक बनेको छ। भिडियोमा सुरेश कोहली, नारायणी खत्री, गीतकार ओम छिनाल र रिना गुरुङले अभिनय गरेका छन्।

मुकेश नेपालीको निर्देशन तथा कोरियोग्राफीमा तयार भएको भिडियोलाई बुद्ध थापाले छायांकन गरेका हुन् भने सम्पादन नवीन घर्ती मगरले गरेका छन्। सरिता मगरको शृङ्गार रहेको यस भिडियोको पोस्ट प्रोडक्सन एड्भेन्चर इन्टरटेन्मेन्टले गरेको हो। शीतल सिजन डिजिटल प्रालिले अडियो तथा भिडियो व्यवस्थापन गरेको यस गीतले नेपाली मौलिकतालाई प्राथमिकता दिएको निर्माण पक्षले जनाएको छ।