मञ्जु थापा र मञ्जु पौडेलको स्वरमा नयाँ तीज गीत ‘भन्देउ न माया’ सार्वजनिक

मनोरञ्जन

Home
मनोरञ्जन
मञ्जु थापा र मञ्जु पौडेलको स्वरमा नयाँ तीज गीत ‘भन्देउ न माया’ सार्वजनिक

मञ्जु थापा र मञ्जु पौडेलको स्वरमा नयाँ तीज गीत ‘भन्देउ न माया’ सार्वजनिक

गोर्खा मिडिया संवाददाता बुधबार, साउन १३, २०८३

पोखरा । नेपाली नारीहरूको महान चाड हरितालिका तीजको अवसर पारेर नयाँ सांगीतिक कोसेली ‘भन्देउ न माया’ बजारमा आएको छ। चर्चित गायिकाद्वय मञ्जु पौडेल र मञ्जु थापाको सुमधुर स्वरमा सजिएको यस गीतलाई तीज विशेष प्रस्तुतिको रूपमा सार्वजनिक गरिएको हो।

इन्जिनियर नारायण ज्ञवालीको शब्द तथा संगीत सिर्जनामा तयार पारिएको यस गीतलाई सुदिप सागरले संगीत संयोजन गरेका हुन्। मारुनी डिजिटल स्टुडियोमा रेकर्ड गरिएको गीतको ध्वनि सम्पादन अर्थात् मिक्सिङ र मास्टरिङको काम कुमार रानाले गरेका छन् भने रेकर्डिष्टको भूमिका खुमन र सुमन रानाले निभाएका छन्। मञ्जु थापाको आधिकारिक युट्युब च्यानलमार्फत यो गीत श्रोता तथा दर्शकमाझ ल्याइएको निर्माण पक्षले बताएको छ।

म्युजिक भिडियोतर्फ पछिल्लो समयकी व्यस्त मोडल एलिना रायमाझी र रीना थापाको आकर्षक अभिनय तथा नृत्य देख्न सकिन्छ। दावा बल तामाङको निर्देशन तथा कोरियोग्राफीमा तयार पारिएको यस भिडियोलाई दुर्गा पौडेलले छायांकन गरेका हुन् भने नवीन घर्ती मगरले सम्पादन गरेका छन्। एभेन्चर इन्टरटेनमेन्टमा पोस्ट प्रोडक्सन भएको यस गीतको बजार व्यवस्थापन सुमन कटवालले गरेका हुन्। रोजिना श्रेष्ठको मेकअप रहेको यस भिडियोले तीजको मौलिक रौनकतालाई समेटेको छ ।