प्रिया गुरुङ र राज बहादुर गुरुङको स्वरमा सजिएको ‘क्यौइँ साथ’ सार्वजनिक

मनोरञ्जन

Home
मनोरञ्जन
प्रिया गुरुङ र राज बहादुर गुरुङको स्वरमा सजिएको ‘क्यौइँ साथ’ सार्वजनिक

प्रिया गुरुङ र राज बहादुर गुरुङको स्वरमा सजिएको ‘क्यौइँ साथ’ सार्वजनिक

गोर्खा मिडिया संवाददाता शनिबार, जेठ ३०, २०८३

पोखरा । नेपाली सांगीतिक क्षेत्रमा मौलिकता पस्कने क्रममा गायिका प्रिया गुरुङको प्रस्तुतिमा नयाँ म्युजिक भिडियो ‘क्यौइँ साथ’ सार्वजनिक भएको छ। यस गीतमा प्रिया गुरुङ र राज बहादुर गुरुङले स्वर दिएका छन् । साजन गुरुङको शब्द तथा संगीत रहेको यस गीतलाई धन बहादुर गुरुङले संगीत संयोजन र रेकर्डिङ गरेका हुन् भने बुद्धराज बज्राचार्यले मिक्सिङ र मास्टरिङको जिम्मेवारी निभाएका छन्।

भिडियोको मुख्य भूमिकामा कलाकारद्वय कमल बहादुर गुरुङ र निष्टा गुरुङको अभिनय देख्न सकिन्छ। उनीहरूको अभिनयलाई ब्राजिल गुरुङ, रिधान गुरुङ, कृष्ण गुरुङ, सक्षम गुरुङ, सृष्टि गुरुङ, सृष्टिका तामाङ, सुमी गुरुङ र बिन्दिया राना मगरले सहायक कलाकारको रूपमा साथ दिएका छन्। कास्की जिल्लाको मादी गाउँपालिका वडा नं. ३ स्थित पर्यटकीय गाउँ याङ्जाकोटको रमणीय स्थलहरूमा यस भिडियोको छायांकन गरिएको छ।

प्राविधिक पक्षतर्फ सन्देश गुरुङले छायांकन गरेको यस भिडियोलाई कबिर गुरुङले सम्पादन र रङ संयोजन गरेका हुन्। भिमसेन गुरुङले कलाकारहरूको श्रृङ्गार गरेका छन् । मोहन गुरुङको सहयोगमा निर्माण भएको यस भिडियोको निर्देशन साजन गुरुङले गरेका हुन्। मौलिक गुरुङ संस्कृति र पहिरनलाई प्राथमिकता दिइएको यस भिडियोले दर्शकको मन जित्ने निर्माण पक्षले विश्वास लिएको छ।