गण्डकी प्रदेशका मुख्यमन्त्री पाण्डेसँग तमु धीं यूकेको टोलीको भेटवार्ता

मातृभूमि नेपाल

Home
मातृभूमि नेपाल
गण्डकी प्रदेशका मुख्यमन्त्री पाण्डेसँग तमु धीं यूकेको टोलीको भेटवार्ता

गण्डकी प्रदेशका मुख्यमन्त्री पाण्डेसँग तमु धीं यूकेको टोलीको भेटवार्ता

गोर्खा मिडिया संवाददाता बिहीबार, फागुन ७, २०८२

लन्डन । नेपाली भ्रमणमा रहेको तमु धीं यूकेको टोलीले नेपालको गण्डकी प्रदेशका मुख्यमन्त्री सुरेन्द्रराज पाण्डेसँग भेटवार्ता गरेको छ ।

तमु धीं यूकेका उपाध्यक्ष कमल गुरुङ, महासचिव डा. विशाल गुरुङ र तमु धीं यूके ह्याम्पशायर एण्ड सर्रेका अध्यक्ष महेन्द्र गुरुङले बिहीबार मुख्यमन्त्री तथा मन्त्रिपरिषद्को कार्यालयमा पुगेर पाण्डेसँग भेट गरेका हुन् । भेटमा तमु धीं यूकेको बारे र बेलायत र नेपालमा गर्दै आएका कार्यहरूको बारेमा जानकारी गराएको महासचिव डा. गुरुङले जानकराी दिए ।

त्यसक्रममा तमु धीं यूके समुदायको संस्कृति संरक्षण, समुदायको सहयोग, युवाहरूको सशक्तिकरण र प्रवासी समुदाय तथा मातृभूमिबीचको सम्बन्ध सुदृढ बनाउन प्रतिबद्ध रहेको विषय मुख्यमन्त्री पाण्डेसमक्ष राखेका थिए ।

युवाहरूको सशक्तिकरण, शिक्षा, सीप आदानप्रदान, स्वास्थ्य सचेतना, सांस्कृतिक संरक्षण तथा प्रवासी सहभागिताजस्ता क्षेत्रहरूमा गण्डकी प्रदेशको विकासका लागि स्थानीय सरकारसँग कसरी सहकार्य गर्न सकिन्छ भन्ने विषयमा पनि छलफल भएको महासचिव डा. गुरुङले जानकारी दिए ।

मुख्यमन्त्री पाण्डेले तमु धीं यूकेको टोलीलाई नेपालमा स्वागत भन्दै प्रदेश सरकार सहयोग र सहकार्य गर्न तयार रहेको वचनबद्धता गरेका थिए ।