लन्डन । जनक गुरुङ निर्देशित, रुक आलेलगायतको निर्माण रहेको चलचित्र 'टुहुरी' आइतबार बेलायतमा प्रदर्शन हुँदैछ ।
अल्डरसटमा यही डिसेम्बर ७ तारिखमा टुहुरी चलचित्र प्रदर्शन गरिन लागेको हो निर्माता रुक आलेले जानकारी दिए । उनका अनुसार चलचित्र प्रदर्शन दिउँसो साढे १ बजेदेखि सुरु हुने छ ।
टुहरीको कथा मन्जु गुरुङ (सुस्मी) ले लेखेकी हुन् भने रविन गुरुङले सहनिर्देशकको भूमिका निभाएका छन् । चलचित्र निर्माताहरुमा रुक आले (युके), नेत्र तिमल्सिना, देव गुरुङ (हङकङ), खडक गुरुङ ( ठूलोघर ठागु), चिजकुमार गुरुङ (तनहुँ), मिनबहादुर गुरुङ र प्रतिमा गुरुङ (काठमाडौं) रहेका छन् ।
नवज्योति भिजन नेपालको चौथो प्रस्तुतिको यो चलचित्रमा रिना गुरुङ, आनन्द गुरुङ, मनोज गुरुङ, मौसम गुरुङ, इशा गुरुङ, रविन गुरुङ, कुमार समरी घले, धनकुमारी गुरुङ (काशी), राजु किराँत, कमला राई, आशबहादुर गुरुङ, सुवास गुरुङ, सविन गुरुङ, रश्मी गुरुङ र प्रतिमा गुरुङले अभिनय गरेका छन् ।
