जेनजी आन्दोलन: भाटभटेनीका २१ वटा शाखामा चोरी, तोडफोड र आगजनी

मातृभूमि नेपाल

Home
मातृभूमि नेपाल
जेनजी आन्दोलन: भाटभटेनीका २१ वटा शाखामा चोरी, तोडफोड र आगजनी

जेनजी आन्दोलन: भाटभटेनीका २१ वटा शाखामा चोरी, तोडफोड र आगजनी

गोर्खा मिडिया संवाददाता बिहीबार, भदौ २६, २०८२

काठमाडौँ । जेनजी पुस्ताको बन्दोलनका क्रममा मंगलबार भाटभटेनी सुपरमार्केटका २८ मध्ये २१ वटा शाखामा क्षति भएको छ । यी शाखामा प्रदर्शनकारीले चोरी, तोडफोड र आगजनी गरेको भाटभटेनीका प्रतिनिधि पानु पौडेलले जनाएका छन् ।

पौडेलका अनुसार १२ वटा शाखामा लुटपाटपछि आगो झोसिएको हो भने ९ वटामा तोडफोड र लुटपाट गरिएको छ । ७ वटा शाखामा मात्र कुनै क्षति पुगेको छैन ।

यसअघि २०८१ चैत १५ मा दुर्गा प्रसाईंले नेतृत्व गरेको आन्दोलनमा पनि कोटेश्वरको भाटभटेनीमा तोडफोड र चोरी भएको थियो । त्यो बेलाको भएको ८० लाख रुपैयाँको क्षति नै ठूलो थियो। तर अहिलेको क्षति अकल्पनीय भएको र व्यवसायीको मनोबलमाथि नै निर्मम प्रहार भएको भाटभटेनीले जनाएको छ ।

भाटभटेनीका अनुसार उसले वार्षिक ३१ अर्ब रुपैयाँभन्दा बढीको व्यापार गरेर नाफा कमाइरहेको छ। तर त्यो नाफाको ठूलो हिस्सा सामाजिक उत्तरदायित्वमा खर्च गरिरहेको छ ।

आन्दोलनमा, धेरै रोजगारी दिने, ठूलो कारोबार गर्ने अधिकांश व्यावसायिक घराना निशानामा परेका छन् । चौधरी ग्रुप, आईएमई ग्रुप, गोल्छा ग्रुप, शंकर ग्रुप, बहुराष्ट्रिय कम्पनी सबैमा तोडफोड गरिनुका साथै धेरैमा आगो लगाइएको छ ।

प्रकाशित मिति: बिहीबार, भदौ २६, २०८२ २१:४१

प्रतिक्रिया दिनुहोस्