एभरेष्ट टाईम्स यूकेका अध्यक्ष तथा सम्पादक दुत पुन सम्मानित

कर्मभूमि बेलायत

Home
कर्मभूमि बेलायत
एभरेष्ट टाईम्स यूकेका अध्यक्ष तथा सम्पादक दुत पुन सम्मानित

एभरेष्ट टाईम्स यूकेका अध्यक्ष तथा सम्पादक दुत पुन सम्मानित नेपाल आदिवासी जनजाति महिला महासंघ यूकेकी वरिष्ठ उपाध्यक्ष गंगामाया दुरालाई 'वर्ष महिला २०२५'बाट विशेष सम्मान

गोर्खा मिडिया संवाददाता बुधबार, साउन २८, २०८२

लन्डन । एभरेष्ट टाईम्स यूकेका अध्यक्ष तथा सम्पादक दुत पुन (चिम्खोले काईला) ३१ औं विश्व आदिवासी दिवस (मूलवासी दिवस) को अवसरमा सम्मानित भएका छन् ।

नेपाल आदिवासी जनजाति महासंघ (नेफिन युके)ले आफ्नो सल्लाहकारसमेत रहेका चिम्खोले काइँलालाई आइतबार किरात हाउसमा आयोजित विश्व आदिवासी समारोहमा 'वर्ष पुरुष २०२५'बाट विशेष सम्मान गरेको हो । पुनलाई पत्रकारितामा विशेष योगदान दिएबापत कार्यक्रमका प्रमुख अतिथि नेपाल आदिवासी जनजाति महासंघ केन्द्रीय समितिका संस्थापक सचिव भक्तबहादुर दुरा तथा नेफिन यूकेका वर्तमान सल्लाहकार र अध्यक्ष मेजर योगेश कोयी राईले फेटासहित स्पेसल अवार्ड प्रदान गरेका थिए ।

अध्यक्ष मेजर राईले आदिवासी जनजातिको मुद्दामा लगातार योगदान पुर्‍याएको भन्दै पुनलाई सम्मान गरिएको प्रस्ट्याए । सम्पादक पुन साहित्य, समाजसेवामा समेत सक्रिय छन् । पुन नेपाल पत्रकार महासंघ यूके शाखाका केन्द्रीय प्रतिनिधि, नेपाल मगर संघ यूकेका पूर्वउपाध्यक्षसमेत हुन् । बेलायतस्थित विभिन्न संघसंस्थामा आबद्ध छन् । उनले १ दर्जन पुस्तक प्रकाशनमा ल्याइसकेका छन् ।