बेलायत । श्री पञ्चकोशी (आर्थर डाँडाखर्क) समाज यूकेको वार्षिक भेला ५ जुलाई, शनिबार अल्डरवुड लेजर सेन्टर, अल्डरसटमा भव्य रूपमा सम्पन्न भएको छ । भेलाले अध्यक्षमा धिरज गुरुङको अध्यक्षतामा सातौँ कार्य समिति चयन गरेको छ ।
उपाध्यक्षमा कमल गुरुङ, सचिवमा प्रसन्न गुरुङ, कोषाध्यक्षमा कमल गुरुङ, खाद्य संयोजकमा बुद्धि गुरुङ, सांस्कृतिक सचिवमा पूजा गुरुङ र सम्पत्ति सचिवमा गौतम गुरुङ चयन भएका छन् । भेलाले नयाँ समाजको भावी कार्यदिशा समेत निर्धारण गरेको छ ।
समाजका अध्यक्ष जङ्गबहादुर गुरुङको अध्यक्षतामा भएको कार्यक्रम महासचिव प्रसन्न गुरुङले गरेका थिए । प्रमुख अतिथि तमु धीं यूकेका अध्यक्ष जुमकाजी गुरुङ, नेपालबाट आएका धर्मगुरु बज्र आचार्य दोर्जे लोपेन जन्त गुरुङ लामा तथा समाजका ज्येष्ठ सदस्य राजकुमारी गुरुङ, अकला देवी गुरुङ, पूर्णबहादुर गुरुङ र संस्थापक अध्यक्ष कृष्णप्रसाद गुरुङको संयुक्त उपस्थितिमा दीप प्रज्वलन गरेर शुभारम्भ गरिएको थियो ।
नेपाल र बेलायतमा गत वर्षदेखि यस वर्षसम्म दिवंगत भएका सदस्यको स्मृतिमा एक मिनेट मौनधारण गरिएको थियो । उपाध्यक्ष गोपाल गुरुङले स्वागत मन्तव्य राख्दै वार्षिक भेलाको औचित्य, उद्देश्य र समाजका गतिविधिबारे प्रकाश पारे ।
भेलाको अवसरमा समाजले विभिन्न क्षेत्रमा योगदान पुर्याउने सदस्यहरूलाई सम्मान गरेको थियो । नवप्रवेशी सदस्यहरूलाई स्वागत गर्नुका साथै ज्येष्ठ नागरिकको सम्मान गरियो । उच्च शिक्षामा उत्कृष्ट नतिजा ल्याउने विद्यार्थी, सैनिक सेवामा पदोन्नति प्राप्त सदस्य र नव विवाहित दम्पतीलाई पनि सम्मान गरिएको थियो । समाजका अध्यक्ष गुरुङले खादा, पुष्पगुच्छा र मायाको चिनो प्रदान गर्दै सम्मान गरेका थिए ।
नेपालबाट आएका साङ ङाग दोर्जे छ्योईलिङ गुम्बाका मूलगुरु बज्र आचार्य लोपेन जन्त गुरुङलाई विशेष स्वागत तथा सम्मान गरिएको थियो । बेलायतमा भए पनि आफन्तसँग बसेर गाउँकै अनुभूति भएको उनको भनाइ थियो । उनले आफ्नी दिवंगत आमाको स्मृतिमा समाजलाई ५०५ पाउन्ड आर्थिक सहयोगसमेत प्रदान गरे ।
प्रमुख अतिथि एवं तमु धीं यूकेका अध्यक्ष जुमकाजी गुरुङ र धर्मपत्नी तथा तमु धीं यूके आमा समूहकी अध्यक्ष कमला गुरुङलाई पनि खादा, फेटा, दोसल्ला र पुष्पगुच्छासहित स्वागत तथा सम्मान गरिएको थियो । गुरुङले आफ्नो हालैको नेपाल भ्रमणको अनुभव सुनाउँदै आर्थर डाँडाखर्क गाउँको ऐतिहासिक गुम्बा अवलोकन, स्थानीयको सद्भावपूर्ण स्वागत, र समाजको सहयोगप्रति आभार व्यक्त गरे ।
उनले श्री पञ्चकोशी समाज पोखराका अध्यक्ष कमल गुरुङ र समाजकी चेली श्रीमती मञ्जु गुरुङ राईलाई नेपाल भ्रमणका क्रममा उत्कृष्ट व्यवस्थापनका लागि धन्यवादसमेत दिए । सन् २०२५ मा तमु धीं यूकेद्वारा आयोजना गरिने नेपाली मेलामा समाजका सम्पूर्ण सदस्यलाई सहभागिता जनाउनसमेत उनले आह्वान गरे ।
समाजका अध्यक्ष गुरुङले छैटौँ कार्यसमितिको कार्यकालमा गुम्बा पुनर्निर्माणमा ५ लाखभन्दा बढी सहयोग, पोखरामा उपचाररत पीडितलाई सहयोग र बेलायतमा नेपाली समुदायको सुख-दुःखमा निरन्तर साथ दिएको जानकारी गराउँदै नयाँ कार्य समितिलाई बधाई र शुभकामना दिए ।
कार्यक्रममा राष्ट्रिय कलाकार बलचन्द्र बराल र अनुपा मगरले विशेष प्रस्तुति दिएका थिए । स्थानीय कलाकार मिरा गुरुङ, युवारानी गुरुङ, साया गुरुङ, पूजा गुरुङ र सम्झना गुरुङले सांस्कृतिक प्रस्तुति दिएका थिए । डिजे टंक सेरचनको संगीतमा पनि सहभागीहरू झुमेका थिए ।
सांस्कृतिक सचिव पूजा गुरुङ र कोषाध्यक्ष सालिकराम गुरुङको संयोजनमा आकर्षक राफल ड्र सञ्चालन गरिएको थियो । जसमा १० वटा नगद तथा उपहार प्रदान गरियो ।
अन्त्यमा अध्यक्ष गुरुङले सहयोग गर्ने सबैप्रति आभार व्यक्त गरे । आर्थिक सहयोगदाता, व्यवस्थापन टिम, फोटोग्राफर गौतम गुरुङ, डिजे टंक शेरचन, गोर्खा किचेन केटरिङ टिमलगायत सबै स्वयंसेवकलाई उनले धन्यवाद दिए । खानाको संयोजन खाद्य संयोजक बुद्धि गुरुङले गरेका थिए भने पेय व्यवस्थापन अध्यक्ष गुरुङले गरेका थिए ।
सन् २००८ मा स्थापना भएको श्री पञ्चकोशी समाज यूके पर्वतको आर्थर डाँडाखर्क गाउँका प्रवासी नेपालीलाई संगठित गर्दै आपसी सहयोग, संस्कृतिको संरक्षण र एकताको प्रवर्द्धन गर्दै आइरहेको गैर-नाफामूलक संस्था हो ।
![ब्रिगेड अफ गोर्खाज् भेला र नेपाल कप २०२५ सम्पन्न [तस्बिरहरु]](https://gurkhamedia.com/uploads/posts/514783321_724763453672742_4654358564625962024_n-1751782941.jpg)
-1751606694.jpg)
![समान पेन्सनलगायत भूतपूर्व गोर्खाका मागबारे बेलायत सरकारसँग वार्ता [विज्ञप्तिसहित]](https://gurkhamedia.com/uploads/posts/Gurkha-1749798892.jpg)
![विप्लव कार्की बने मिस्टर यूके नेपाल [तस्बिरहरू]](https://gurkhamedia.com/uploads/posts/body-building-1750731624.jpg)
![बेलायतको फार्नबोरोस्थित गोर्खा भवनमा ‘इजी फार्मेसी’ सञ्चालन [भिडियोसहित]](https://gurkhamedia.com/uploads/posts/509936126_1076564984628369_8443309087281955158_n-1750619002.jpg)
-1750342368.png)
