पवित्रा गुरुङ : गायिका [तस्बिरहरु]

मोडल

Home
मोडल
पवित्रा गुरुङ : गायिका [तस्बिरहरु]

पवित्रा गुरुङ : गायिका [तस्बिरहरु]

गोर्खा मिडिया संवाददाता बिहीबार, जेठ २९, २०८२

पवित्रा गुरुङ आधुनिक र तमु मातृभाषाका गायिकाको रुपमा परिचित छिन् । लगभग एक दशकदेखि सांगीतिक क्षेत्रमा निरन्तर मिहिनेत गरिरहेकी पवित्रा नुवाकोटको दुप्चेश्वर गाउँपालिका-४ मा जन्मिएकी हुन् । वि.सं. २०७२ सालमा एसईई दिएपछि उच्चशिक्षाका लागि काठमाडौं प्रवेश गरेकी उनले काठमाडौंमा औपचारिक अध्ययनसँगै संगीत कक्षा लिएपछि निरन्तरता दिइरहेकी छन् । लगाव र झुकावले परिणामत: पवित्रा दशक नपुग्दै स्थापित गायिकाको रुपमा सांगीतिक उद्योगमा देखिएका छन् । यस क्षेत्रमा पाएको सफलतालाई दिदी गरिमा गुरुङको मार्गदर्शन मूल कारण ठान्ने गायिका पवित्रा गुरुङ अहिले भने बेलायतमा सांगीतिक भ्रमणमा छिन् । बोलावट र कार्यक्रम पर्दा बाहेक बेलायतका विभिन्न ऐतिहासिक र पर्यटकीय ठाउँ घुमघाम गरिरहेकी छन् पवित्रा ।

म पहिले २०२१ मा तमुधीं यूकेको ल्होछार कार्यक्रममा बेलायत आएकी पवित्रा यो दोस्रो भ्रमण ग्रेटर रसमुर नेपाली कम्युनिटी (जीआरएनसी) यूकेको निमन्त्रणामा गत अप्रिल ९ मा यहाँ आएकी हुन् ।

भ्वाइस अफ नेपालको सिजन फोरकी प्रतिस्पर्धी पवित्रा । ब्लाइन्ड अडिसनमा पास भए पछि कोच टिम राजुमा सामेल भएकी उनी नकआउट राउन्डसम्म पुगिन् । बेलायतको प्रख्यात ठाउँहरुमध्येको डुड्ले डोरमा साथीहरु र एकल रुपमा खिचिएका पवित्राको तस्बिरहरु ।