पुन समाज यूकेले वार्षिक भेटघाट कार्यक्रम सम्पन्न

कर्मभूमि बेलायत

Home
कर्मभूमि बेलायत
पुन समाज यूकेले वार्षिक भेटघाट कार्यक्रम सम्पन्न

पुन समाज यूकेले वार्षिक भेटघाट कार्यक्रम सम्पन्न

गोर्खा मिडिया संवाददाता मंगलबार, जेठ २७, २०८२

लन्डन । पुन समाज यूकेले वार्षिक भेटघाट कार्यक्रम सम्पन्न भएको छ ।

शनिबार ७ जून २०२५ मा तमुधीं यूकेका अध्यक्ष जुमकाजी गुरुङ र आमा समूह अध्यक्ष कमलादेवी गुरुङको विशेष आतिथ्यतामा समाजको भेटघाट कार्यक्रम सम्पन्न भएको हो । कार्यक्रममा समाजका कार्यवाहक अध्यक्ष पुन समाज यूके क्याप्टेन रिटायर्ड उमेशकुमार पुन एमभीओले तमुधीं यूकेका अध्यक्ष जुमकाजीलाई खादा लगाएर र उनकी धर्मपत्नी कमलादेवीलाई महिला विभाग अध्यक्ष रूपा पुनले खादा र फूल दिएर स्वागत गरेका थिए ।

कार्यक्रमको व्यवस्थापन समाजका उपाध्यक्ष क्याप्टेन रिटायर्ड उमेशकुमारको विशेष निर्देशनमा भएको थियो । कार्यक्रम सञ्चालक समाजका महासचिव टकप्रसाद पुनले अतिथिलाई आशनग्रहण गराउँदै कार्यक्रम अघि बढाएका थिए ।

कार्यक्रममा पुन जातिको लोकप्रिय पुर्ख्यौली नाच प्रस्तुत गरिएको थियो । त्यसपछि नानीबाबुहरु र आमाहरुको नाचले चिसो पिय पदार्थ र टिपनटापनको साथमा वातावरण मनोरञ्जनमय भएको थियो ।

व्यस्तताको बाबजुद पनि निमन्त्रणा लाई स्वीकार गरी कार्यक्रममा उपस्थित भइदिएकोमा पुन समाज यूकेका अध्यक्षलगायत सम्पूर्ण सदस्यहरुको तर्फबाट धन्यवाद दिएका थिए ।

प्रकाशित मिति: मंगलबार, जेठ २७, २०८२ ११:५४

प्रतिक्रिया दिनुहोस्