गायिका तथा मोडल : बिमला गुरुङ [तस्बिरहरु]

मोडल

Home
मोडल
गायिका तथा मोडल : बिमला गुरुङ [तस्बिरहरु]

गायिका तथा मोडल : बिमला गुरुङ [तस्बिरहरु]

लन्डन । उदीयमान गायिका बिमला गुरुङ गोरखाको सिम्जुङ पात्लेमा जन्मिएकी हुन् । गाउँमै प्लस टू गरेर काठमाडौंमा आएकी उनी ६/७ वर्षदेखि संगीतमा संघर्ष गरिरहेकी छन् । विशेषत: आधुनिक, कौडा गीत, झ्याउरे र गुरुङ गीतहरु अनि लोक तथा दोहोरी गीत गाउन सिपालु गायिका तथा मोडल बिमला गुरुङ अहिले पहिलो पटकको यूके भ्रमणमा छिन् । नेपालमा धेरै जना कलाकारहरु भएर होला माया त पाइन्छ तर विदेशमा जस्तो नहुने उनको बुझाइ छ । बेलायत कलाकारलाई देशको गहना भनेर एकदमै माया गर्ने गरेको उनले बताइन् ।

नेपालमा रहँदा संगीत कक्षा लिने, नाइट ड्युटी गर्छिन् उनी । पहिले दोहोरी साँझमा काम गर्ने बिमला पछिल्लो दरबारमार्गको कासा लन्च एन्ड बारमा गाउँदै आएकी छन् । भ्वाइस अफ नेपालमा प्रतिस्पर्धा गर्नुअघि उनले साढे दुई वर्षजति गामबेंसी दोहोरीमा पनि काम गरिन् । भ्वाइस अफ नेपालको सिजन ५ को नकआउट राउन्डमा पुगेकी थिइन् उनी । त्यहाँ धेरै अनुभव बटुलेको उनले सुनाइन् । ।

'केही पनि नजानेको मान्छे, त्यहाँ गएर धेरै कुरा सिक्न पाएँ । धेरै म्युजिसियन दाजुहरुसँग धेरै विषय सिक्न पाएँ । नजानेका कुरा उहाँहरुले सिकाउनुभयो । त्यहाँ जानुभन्दा अगाडि मलाई चिन्दैनथ्यो । काम घर, काम घरमात्रै थियो । भ्वाइस अफ नेपालमा गएपछि धेरै जनाले चिन्ने मौका पनि पाउनुभयो । मैले पनि चिनाउने मौका पाएँ । मैले थुप्रै गीतहरु पनि गरेँ । कार्यक्रमहरुमा पनि गएँ । जसले धेरै राम्रो भयो ।' उनले अझै पनि राम्रा राम्रा गीत लिएर आउने वाचा गरेकी छन् ।