तीनकुनेमा मृत्यु भएका सविन र सुरेशको परिवारलाई भाटभटेनीको सहयोग

मातृभूमि नेपाल

Home
मातृभूमि नेपाल
तीनकुनेमा मृत्यु भएका सविन र सुरेशको परिवारलाई भाटभटेनीको सहयोग

तीनकुनेमा मृत्यु भएका सविन र सुरेशको परिवारलाई भाटभटेनीको सहयोग सविनकी श्रीमतीलाई रोजगारी

गोर्खा मिडिया संवाददाता मंगलबार, चैत २६, २०८१

काठमाडौँ । भाटभटेनी सुपरमार्केटले चैत १५ गते काठमाडौँको तीनकुनेमा राजावादी समूहले गरेको अराजक प्रदर्शनका क्रममा मृत्यु भएका दुई जनाको परिवारलाई नगद सहयोग गरेको छ ।

भाटभटेनीका अध्यक्ष मिनबहादुर गुरुङले उक्त आन्दोलनमा मृत्यु भएका पत्रकार सुरेश रजकको परिवारलाई ५ लाख र सविन महर्जनको परिवारलाई ३ लाख रुपैयाँ प्रदान गरेका हुन् । सहयोग रकम मंगलबार दुवै युवाको घरमै पुगेर प्रदान गरिएको हो ।

एभिन्युज टीभीमा कार्यरत पत्रकार रजककी श्रीमती सुजेन रजकलाई ताहाचल निवासमा पुगेर गुरूङले ५ लाख रुपैयाँको चेक हस्तान्तरण गरे । ।

त्यसैगरी कीर्तिपुरका महर्जनको पनि निवासमै पुगेर ३ लाख रुपैयाँको चेक हस्तान्तरण गरेका थिए । महर्जन परिवारको आग्रहअनुसार गुरुङले मृतक सविनकी श्रीमती भविसालाई भाटभटेनीमै जागिरको प्रबन्ध गरिदिनेसमेत बताएका छन् ।

प्रकाशित मिति: मंगलबार, चैत २६, २०८१ २१:५९

प्रतिक्रिया दिनुहोस्