सहारा एकेडेमीलाई खाद्यान्न र १० हजार रुपैयाँ प्रदान

मातृभूमि नेपाल

Home
मातृभूमि नेपाल
सहारा एकेडेमीलाई खाद्यान्न र १० हजार रुपैयाँ प्रदान

सहारा एकेडेमीलाई खाद्यान्न र १० हजार रुपैयाँ प्रदान

गोर्खा मिडिया संवाददाता बिहीबार, फागुन २९, २०८१

काठमाडौँ । सहारा क्लब हङकङका संस्थापक कार्यसमिति सदस्य तथा जिफान हङकङका अध्यक्ष नायिका माया गुरुङले सूर्यबहादुर केसी स्मृति सहारा आवासीय फुटबल एकेडेमीमा रहेका बालकलाई खाद्यान्न सहयोग गरेकी छन् ।

उनले बिहीबार एकेडेमीमा पुगेर खाद्यान्न हस्तान्तरण गरेकी हुन् । सो अवसरमा सहारा क्लब हङकङका कार्यसमिति सदस्य पूर्णबहादुर गुरुङले नगद १० हजार रुपैयाँ सहयोग प्रदान गरेका छन् । एकेडेमी व्यवस्थापनमा प्रयोग हुनेगरी उक्त रकम सहारा एकेडेमी व्यवस्थापन समितिका संयोजक एवं वरिष्ठ उपाध्यक्ष पूर्णबहादुर गुरुङलाई हस्तान्तरण गरेका हुन् ।

आज फागु पूर्णिमा रहेकाले माया गुरुङले बालकहरूलाई रङ लगाएर होलीसमेत मनाइएको थियो । गुरुङले २४औँ आहा रारा पोखरा गोल्डकपको समयमा पोखरा रंगशालामा बालकहरूलाई जर्सीसमेत प्रदान गरेकी थिइन् ।