पोखरा भ्रमण वर्ष उद्घाटनको क्रममा आगाको ज्वालाले बेलुन फुट्दा उपप्रधानमन्त्री र महानगर प्रमुख घाइते

मातृभूमि नेपाल

Home
मातृभूमि नेपाल
पोखरा भ्रमण वर्ष उद्घाटनको क्रममा आगाको ज्वालाले बेलुन फुट्दा उपप्रधानमन्त्री र महानगर प्रमुख घाइते

पोखरा भ्रमण वर्ष उद्घाटनको क्रममा आगाको ज्वालाले बेलुन फुट्दा उपप्रधानमन्त्री र महानगर प्रमुख घाइते

गोर्खा मिडिया संवाददाता शनिबार, फागुन ३, २०८१

गण्डकी । पोखरा भ्रमण वर्ष-२०२५ उद्घाटनका क्रममा आगाको ज्वालाले बेलुन फुट्दा उपप्रधान तथा अर्थमन्त्री विष्णुप्रसाद पौडेल र पोखरा महानगर प्रमुख धनराज आचार्य घाइते भएका छन् ।

रिमोर्टबाट दीप प्रज्वलनपछि बेलुन उडाउने क्रममा आगोको ज्वालाले बेलुनमा टिपेपछि ठूलो आवाजसहित बेलुन पड्किएको थियो । बेलुन पड्किएपछि महानगर प्रमुख आचार्यको गालामा आगोको झिल्काले छोएको थियो भने उपप्रधान तथा अर्थमन्त्री पौडेलको कोटमा आगोको छिर्का लागेको थियो ।

महानगरप्रमुख आचार्यलाई उपचारका लागि फिस्टेल हस्पिटल लगिएको उनका प्रेस संयोजक भीम थापाले जानकारी दिए ।

उपपप्रधान तथा अर्थमन्त्री पौडेलको पनि उपचारका लागि गण्डकी मेडिकल कलेज शिक्षण अस्पताल लगिएको र उनलाई सामान्य चोट लागेको नेकपा (एमाले) कास्कीका अध्यक्ष बैनबहादुर अधिकारी क्षेत्रीले जानकारी दिए । तर अहिलेभन दुवै जनालाई थप उपचारका लागि काठमाडौँ पठाइएको छ ।

प्रकाशित मिति: शनिबार, फागुन ३, २०८१ १५:०४

प्रतिक्रिया दिनुहोस्