लन्डन । बाघेता (बाहुनडाँडा घेर्मु ताघ्रिङ) समाज यूकेको १३ औं वार्षिक साधारणसभा तथा पाँचौ अधिवेशनले सुब घलेको अध्यक्षतामा नयाँ कार्यसमिति चयन गरेको छ ।
गत शनिवार ३ डिसेम्बरका दिन हेक्स्हाम कम्युनिटी सेन्टर रिडिङमा सम्पन्न अधिवेशनले ९ जनाको नयाँ कार्यसमिति चयन गरेको हो । नवनिर्वाचित कार्यसमितिको उपाध्यक्षमा प्रेम गुरुङ, सचिवमा तेज घले, कोषाध्यक्षमा सुरेन्द्र घले, सदस्यहरुमा दिलमाया गुरुङ, रामकाजी गुरुङ, प्रिति घले, परास गुरुङ (राजु) युवा सदस्य र दीपक घले प्रोपर्टी सदस्य रहेका छन् ।
समाजका अध्यक्ष क्याप्टेन देब घलेको अध्यक्षतामा सम्पन्न १३ औं साधारणसभाको पहिलो चरणमा विविध विषयमा छलफल भएको थियो । सो साधारणसभामा अध्यक्ष क्याप्टेन घलेले आफूले ११ वर्षदेखि कार्यसमितिको नेतृत्व गरेको बताउँदै आफ्नो लामो कार्यकालमा कार्यसमितिलाई साथ, सहयोग, सल्लाह र सुझाव दिनुहुने सबै समाजका सल्लाहकार, कार्यसमिति, आमाहरु र सदस्यहरुलाई धन्यवाद दिए । साथै, उनले साधारणसभाले पाँचौं कार्यसमिति चयनका लागि समाजका संस्थापक अध्यक्ष कृष्ण गुरुङ प्रमुख निर्वाचन आयुक्त, सल्लाहकार कृष्ण घले र सल्लाहकार कर्ण गुरुङ सदस्य रहेको ३ सदस्यीय निर्वाचन समिति गठन गरिएको बताउँदै आफूले अध्यक्षता गर्दै आएको चौंथो कार्यसमिति विघटन भएको जानकारी गराए ।
कार्यक्रमको दोस्रो चरणमा निर्वाचन समितिले निर्वाचन प्रक्रियालाई अगाडि बढाउँदै सुब घलेको अध्यक्षतामा ९ सदस्यीय नयाँ कार्यसमिति चयन भएको बताउँदै अध्यक्षलगायत सबै नवनिर्वाचित पदाधिकारी एवं सदस्यहरुलाई बधाई दिए । सो अवसरमा नवनिर्वाचित अध्यक्ष सुब घलेले सबैको साथ, सहयोग, सुझाव र सल्लाहको अपेक्षा गर्दै सबैमा धन्यवाद ज्ञापन गरे ।
कार्यक्रमको अन्त्यमा बेलायतका विभिन्न स्थानबाट सहभागी भएको बाघेता समाज यूकेका सदस्यहरुले नवनिर्वाचित अध्यक्षलगायत पदाधिकारी एवं सदस्यहरुलाई बधाई दिँदै लाहुरे काइदाको मेसीङको भोजन ग्रहण गरे ।
स्मरण रहोस्, बाघेता समाज यूके लमजुङ जिल्लाको बाहुनडाँडा घेर्मु ताघ्रिङ पुर्ख्यौली घर भई हाल बेलायत बसोबास गर्ने वडावासीहरुले सन् २०१० मा स्थापना गरेको सामाजिक संस्था हो । स्थापना कालदेखि प्रत्येक वर्ष बेलायतमा वार्षिक भेटघाटलगायतका कार्यक्रमहरु गर्दै आएको समाजले आफ्नो
गाउँमा १ वटा एम्बुलेन्स खरीद गरी प्रदान गरिसकेको छ भने स्थानीय प्राथमिक, माध्यमिक र उच्च माध्यमिक विद्यालयलाई आर्थिक सहयोग र आर्थिक अवस्था कमजोर भएका बिरामीहरुको उपचारमा समेत आर्थिक सहयोग गर्दै आएको निवर्तमान अध्यक्ष क्याप्टेन देब घलेले जानकारी दिए ।
-1732408259.jpg)
![पाँच नेपाली युवाको लगानीमा बेलायतमा भीपी स्टोर सञ्चालनमा [भिडियोसहित]](https://gurkhamedia.com/uploads/posts/Messenger_creation_4DD3141E-54DA-464A-9F31-4577973ABA16-1731687830.jpeg)
