लन्डन । तमु प्ये ल्हु संघ युकेले बेलायतको रेडिङमा सामुदायिक भवन खरिद गरेको छ ।
सामुदायिक भवन तथा क्होँईबों निर्माण योजनाअन्तर्गत तमु प्ये ल्हु संघले शुक्रबार घर किनेको हो । नयाँ घरको चाबी शुक्रबार बुझेको संघका अध्यक्ष क्या. (रि) डेमबहादुर योज तमुले जानकारी दिए । लामो समयको पर्खाइलाई अन्त्य गर्दै संस्थाको भवनको चाबी लिन सफल भएकोमा अध्यक्ष क्या (रि) डेमबहादुरले खुसी व्यक्त गरेका छन् ।
‘यसबाट मलाई सुकून मिलेको महसुस भएको छ भने सम्पूर्ण सदस्यलगायत शुभचिन्तकको प्रतीक्षाको घडी पनि सकिएको छ । यहाँहरूले दिनुभएको साथ, सहयोग, सद्भाव र सहानुभूतिले यो काम सम्पन्न गराउन बल मिलेको हो । यहाँहरूको सहयोग र दानबिना यो कार्य सम्पन्न हुने थिएन,’ उनले भनेका छन्।
-1733556497.jpg)
चाबी बुझ्ने कार्यक्रममा अध्यक्षसहित संस्थापक अध्यक्ष अशोक ल्हेंगे, पूर्वअध्यक्ष जगत प्हच्यु, सचिव भेग च्हाक्ली, कोषाध्यक्ष याम प्हच्यु, तृतिय उपाध्यक्ष डमर टु क्ल्हेप्री, सुवाससिंह लेम्, आमा समूह अध्यक्ष बबिता प्हच्यु र पिताम्बर ल्होँ तमु लगायतको उपस्थिति रहेको थियो ।
कार्यक्रममा उपस्थित भएर हौसला र सहानुभूति प्रकट गर्ने सबैलाई अध्यक्ष क्या. (रि) डेम बहादुरले धन्यवाद दिएका छन् । यसबारे थप कुराकारी शनिबारको बैठकमा हुने उनले जनाए । घर पैँचोको लागि पूजा गर्न खेगी (पैंडी) लाई दिन हेराउन लगाएको समेत अध्यक्ष क्या रि डेमबहादुरले जनाए ।
पहिले स्थानीयस्तरमा विद्यालय सञ्चालन रहेको भवन तमु प्हे ल्हु संघले किनेको हो । भवन दुई तले रहेको छ । जहाँ ३ सय भन्दा बढी क्षमताको ठूलो हल र मिनी साइजको हलसहित खेल मैदान, बगैंचा र बाहिर तथा भित्र कारपार्क लगायत सुविधा रहेको तमु प्ये ल्हु संघले जनाएको छ ।
-1733556964.jpg)
-1733678017.jpg)
![समाजमा शिवकुमार गुरुङको शिरोधार्य काम [भिडियोसहित]](https://gurkhamedia.com/uploads/posts/Messenger_creation_02121EF7-94DB-4773-AD6D-E76CBC6C296C-1733296964.jpeg)
-1732408259.jpg)
