रवि लामिछानेलाई थप १३ दिन हिरासतमा राख्न अनुमति

मातृभूमि नेपाल

Home
मातृभूमि नेपाल
रवि लामिछानेलाई थप १३ दिन हिरासतमा राख्न अनुमति

रवि लामिछानेलाई थप १३ दिन हिरासतमा राख्न अनुमति

गोर्खा मिडिया संवाददाता आइतबार, कात्तिक २५, २०८१

काठमाडौँ । पूर्वगृहमन्त्री एवं राष्ट्रिय स्वतन्त्र पार्टीका सभापति रवि लामिछाने थप १३ दिन हिरासतमा रहने भएका छन् ।

जिल्ला अदालत कास्कीका न्यायाधीश नवराज दाहालको इजलासले लामिछानेलाई थप १३ दिन हिरासतमा राखेर अनुसन्धान गर्न प्रहरीलाई अनुमति दिएको हो ।

प्रहरीले लामिछानेलाई चौथो पटक म्याद थपका लागि कास्की जिल्ला अदालतमा उपस्थित गराइएको थियो । रविसँगै सहकारी ठगी प्रकरणमा हिरासतमै रहेका पूर्वडीआईजी छविलाल जोशी, लीला पछाई र रामकुमार खनाललाई पनि १३ दिन थुनामा राख्न म्याद थप भएको छ ।

यसअघि कात्तिक २० गते कात्तिक १५ गतेबाट लागू हुने गरी १० दिन म्याद थप भएको थियो । उक्त म्याद सकिएपछि आइतबार पुनः प्रहरीले उनीहरूलाई कास्की जिल्ला अदालत पेश गरेको थियो ।

गोर्खा मिडियाका तत्कालीन प्रबन्ध निर्देशकसमेत रहेका लामिछानेलाई प्रहरीले सहकारीको रकम अपचलन र संगठित अपराध कसुरमा गत कात्तिक २ गते पक्राउ गरेको थियो।

प्रहरीले लामिछानेमाथि सम्पत्ति शुद्धीकरण, संगठित अपराध र सहकारीको रकम अपचलनमा एकसाथ अनुसन्धान गरिरहेको छ ।

प्रकाशित मिति: आइतबार, कात्तिक २५, २०८१ १८:१२

प्रतिक्रिया दिनुहोस्