पोखराको मानव सेवा आश्रमलाई स्व नरहरि देवकोटा स्मृति समाजसेवा पुरस्कार

मातृभूमि नेपाल

Home
मातृभूमि नेपाल
पोखराको मानव सेवा आश्रमलाई स्व नरहरि देवकोटा स्मृति समाजसेवा पुरस्कार

पोखराको मानव सेवा आश्रमलाई स्व नरहरि देवकोटा स्मृति समाजसेवा पुरस्कार

गोर्खा मिडिया संवाददाता शुक्रबार, कात्तिक १६, २०८१

गण्डकी । यस वर्षको स्व नरहरि देवकोटा स्मृति समाजसेवा पुरस्कार पोखराको मानव सेवा आश्रमलाई प्रदान गरिने भएको छ ।

पोखराको अग्रणी सामाजिक संस्था हिमालय क्लब, बाटुलेचौरद्वारा सञ्चालित उक्त पुरस्कार मानव सेवाको क्षेत्रमा उल्लेखनीय योगदान पुर्‍याएको भन्दै आश्रमलाई प्रदान गर्न लागिएको आज आयोजित पत्रकार सम्मेलनमा जानकारी गराइयो । पुरस्कारका लागि पूर्वअध्यक्ष जीवनारायण श्रेष्ठको संयोजकत्वमा निवर्तमान अध्यक्ष सुशील बस्नेत, पूर्वअध्यक्ष ताराप्रसाद तिमिल्सिना, सल्लाहकार खिमलाल अधिकारी र संस्थापक मध्यवाट यादवचन्द्र देवकोटा सदस्य रहेको छनौट समिति गठन गरिएको थियो ।

समितिले गरेको निर्णयलाई अनुमोदन गर्दै नगद १५ हजार रुपैयाँ र सम्मानपत्रसहित यही कात्तिक २२ गते आयोजना हुने २८औं स्थापना दिवसको मुल समारोहमा आश्रमलाई पुरस्कार प्रदान गरिने सूचना अधिकारी शिवराज देवकोटाले जानकारी दिए ।

यो पुरस्कार यसअघि उद्योगपति गणेशबहादुर श्रेष्ठ, तेजबहादुर गुरुङ, लायन स्व गोविन्दबहादुर केसी, अग्रज भलिवल खेलाडी स्व उदयबहादुर बस्नेत, सिद्घार्थ क्लब र नव आर्दश सामुदायिक विकास संस्थालाई प्रदान गरिसकिएको छ ।

प्रकाशित मिति: शुक्रबार, कात्तिक १६, २०८१ १६:२२

प्रतिक्रिया दिनुहोस्