पर्जु परिवार यूकेका अध्यक्ष इन्द्रबहादुर गुरुङ दम्पतीलाई पोखरामा स्वागत

मातृभूमि नेपाल

Home
मातृभूमि नेपाल
पर्जु परिवार यूकेका अध्यक्ष इन्द्रबहादुर गुरुङ दम्पतीलाई पोखरामा स्वागत

पर्जु परिवार यूकेका अध्यक्ष इन्द्रबहादुर गुरुङ दम्पतीलाई पोखरामा स्वागत थामडाँडाले बनाउँदै गरेको कुल घरका लागि २ लाख ७४ हजार सहयोग हस्तान्तरण

गोर्खा मिडिया संवाददाता बिहीबार, कात्तिक १५, २०८१

पोखरा । पर्जु परिवार यूकेका अध्यक्ष इन्द्रबहादुर गुरुङ दम्पतीलाई पोखरामा स्वागत गरिएको छ ।

मंगलबार पोखरा महानगरपालिका-१५ रामबजार वीरेन्द्र चोकस्थित भवँरकोट पार्टी प्यालेसमा पर्जु तमू छोंज धीं नेपाल एवं पर्जु परिवार आहालेले एक कार्यक्रम गरी अध्यक्ष इन्द्रबहादुर र उनकी पत्नी कर्णकुमारी गुरुङलाई स्वागत गरिएको हो । इन्द्रबहादुर दम्पतीलाई पर्जु परिवार आहालेका अध्यक्ष मेजर बलबहादुर गुरुङ र दुवै संस्थाका पदाधिकारी एवं सदस्यहरुले स्वागत गरे ।

कार्यक्रममा दुवै संस्थाका अध्यक्षहरुबाट शुभकामना आदानप्रदान र संस्थाबारे जानकारी गराइएको थियो । पर्जु तमु छोंज धीं नेपालका अध्यक्ष मेजर बलबहादुर गुरुङको संयोजकत्वमा आयोजित कार्यक्रममा पर्जु परिवार युके का अध्यक्ष इन्द्रबहादुर गुरुङको नेतृत्वमा बेनी नगरपालिका-४ थामडाँडा पुगेको टोलीले पर्जु परिवार थामडाँडाले बनाउँदै गरेको कुल घर (फैलु धीं) को लागि सहयोग रकम हस्तान्तरण गरेको छ । जसमा पर्जु परिवार युकेबाट २ लाख ६ हजार ५ पाँच सय ५० रुपैयाँ, पर्जु परिवार खिलुङबाट ३६ हजार ५ सय ६ रुपैयाँ, पर्जु परिवार आहालेबाट २१ हजार १ सय पाँच रुपैयाँ, क्या पूर्णबहादुर (सर्बु डाँडा) बाट पाँच हजार रुपैयाँ र चन्द्रकुमारी गुरुङबाट पाँच हजार रुपैयाँ गरी जम्मा २ लाख ७४ हजार १ सय ६१ रुपैयाँ थामडाँडा पर्जु परिवारका ज्येष्ठ नागरिक सतदेवी गुरुङ र सचिव बिमा गुरुङलाई यूकेका अध्यक्ष ईन्द्रबहादुरले हस्तान्तरण गरे ।

टोलीमा पर्जु तमु छोंज धीं नेपलका सचिव ईन्द्रबहादुरले आहाले पर्जु परिवारको साथै कोषाध्यक्ष धनबहादुर गुरुङले पर्जु परिवार खिलुङ र युबहादुर गुरुङले पर्जु परिवार छापाको प्रतिनिधित्व गरेका थिए । पर्जु परिवार थामडाँडाका सदस्य गुमानसिं गुरुङले आफ्ना भनाइ राखेका थिए ।

प्रकाशित मिति: बिहीबार, कात्तिक १५, २०८१ १७:३१

प्रतिक्रिया दिनुहोस्