नेपालका बाढी, पहिरोपीडितलाई बेलायतबाट ३ लाख बराबरको राहत सामग्री हस्तान्तरण

मातृभूमि नेपाल

Home
मातृभूमि नेपाल
नेपालका बाढी, पहिरोपीडितलाई बेलायतबाट ३ लाख बराबरको राहत सामग्री हस्तान्तरण

नेपालका बाढी, पहिरोपीडितलाई बेलायतबाट ३ लाख बराबरको राहत सामग्री हस्तान्तरण

गोर्खा मिडिया संवाददाता सोमबार, असोज २८, २०८१

लन्डन । नेपालमा हालै गएको बाढी, पहिरो पीडित परिवारलाई बेलायतबाट ३ लाख बराबरको राहत सामग्री हस्तान्तरण गरिएको छ ।

नेकपा (माओवादी केन्द्र) सँग आबद्ध नेपाल जनप्रगतिशील मञ्च बेलायत र गोर्खा भूतपूर्व सैनिक संघ (गेसो) ले प्राकृतिक प्रकोप पीडित परिवारका लागि सोमबार २ सय ५० थान सिरक हस्तान्तरण गरेका छन् । गेसो सभापति कृष्णकुमार राईले पूर्वप्रधानमन्त्री एवं माओवादी केन्द्रका अध्यक्ष पुष्पकमल दाहाल "प्रचण्ड" को समुस्पस्थितिमा ३ लाख रुपैयाँ बराबरको आवश्यक उपभोग्य सामग्रीहरुमा २ सय ५० थान सिरक हस्तान्तरण गरिएको जानकारी दिए ।

पीडित परिवारलाई सहयोगका निम्ति मञ्च र गेसोले सहयोग रकम संकलन गरेका थिए । २०८१ असोज १०, ११ र १२ गते नेपालमा भएको अविरल वर्षाको कारण निम्तिएको बाढी, पहिरो र डुबानका कारण २ सय ५० जना हाराहारीमा मानिसले ज्यान गुमाए भने कयौं घरबारविहीन भएका छन् । विपतको घडीमा ज्यान गुमाउनुहुने सम्पूर्ण मृतात्माहरुको आत्माको चिरशान्तिको कामनासहित सभापति राईले श्रद्धाञ्जली अर्पण गर्दै शोकाकुल परिवारजनमा धैर्यधारण गर्ने शक्ति मिलोस् भन्दै गहिरो समवेदना व्यक्त गरेका छन् । उनले घाइतेहरुको शीघ्र स्वास्थ्यलाभको कामनासमेत विज्ञप्तिमार्फत गरेका छन् ।